جاڭا سايتتا 42500 تەڭگەنى قالاي الۋعا بولادى

None
None
نۇر- سۇلتان. قازاقپارات - بۇگىن Enbek.kz ەلەكتروندى ەڭبەك بيرجاسىنىڭ پلاتفورماسىندا ىسكە قوسىلعان مەملەكەتتىك الەۋمەتتىك ساقتاندىرۋ قورىنان تولەم الۋعا ءوتىنىش بەرۋ سەرۆيسى ارقىلى ءبىر ۋاقىتتا 25 مىڭعا دەيىن ءوتىنىش وڭدەلەدى.

بۇل جونىندە ەڭبەك جانە حالىقتى الەۋمەتتىك قورعاۋ مينيسترلىگىنە سىلتەمە جاساپ قازاقپارات حابارلايدى.

https://42500.enbek.kz/kk سەرۆيسىنە ازاماتتاردان تىم كوپ شاعىم تۇسۋىنە بايلانىستى مالىمەتتەردى ءبىر ۋاقىتتا وڭدەۋگە 25 مىڭ وتىنىشكە دەيىن ساندىق شەكتەۋ قويىلدى. بۇل سەرۆيس بۇزىلماس ءۇشىن جاسالادى.

«ازاماتتاردان شىدامدىلىق پەن تۇسىنىستىك تانىتۋلارىڭىزدى سۇرايمىز. ەگەر ءبىرىنشى ارەكەتتەن ءوتىنىش بەرۋ مۇمكىن بولماسا، ونى قايتالاۋ قاجەت. قازىرگى ۋاقىتتا سەرۆيس ارقىلى بەكىتىلگەن 6 ساناتتىڭ 5-ەۋى الەۋمەتتىك تولەم الۋعا ءوتىنىش بەرە الادى. جاقىن ارادا مۇنداي مۇمكىندىك ءبىرىڭعاي جيىنتىق تولەمدى تولەۋشىلەرگە دە بەرىلەدى» دەپ ءمالىم ەتتى مينيسترلىكتەن.

فەيك رەسۋرستاردىڭ پايدا بولۋىنا بايلانىستى سايتتىڭ دۇرىس مەكەنجايىن جاريالايمىز - https://42500.enbek.kz/kk .

بۇدان بۇرىن حابارلانعانداي، م ءا س ق- تان ەڭ تومەنگى جالاقى - 42500 تەڭگە مولشەرىندەگى تولەمگە ءوتىنىش بەرۋ ءۇشىن كەلەسى قادامداردى ورىنداۋ قاجەت:

1) https://42500.enbek.kz/kk سايتىنا كىرىڭىز؛

2) « 42500 جاردەماقى الۋ» تاڭداڭىز؛

3) ءوتىنىش بەرۋشىنىڭ اتى- ءجونى، ج س ن، IBAN نەمەسە جۇمىس بەرۋشىنىڭ ب س ن، ەلەكتروندى پوشتا كورسەتىلگەن نىساندى (فورما) تولتىرىڭىز؛

4) نىساندى (فورما) جىبەرۋ كەرەك؛

5) جۇيە تەلەفون ءنومىرىن سۇرايدى؛

6) تەلەفون ءنومىرىن SMS ارقىلى جىبەرىلگەن كودپەن راستاۋ؛

7) ءوتىنىش جىبەرىلدى.

«ازاماتتارعا ارنالعان ۇكىمەت» مەملەكەتتىك كورپوراتسياسى» ك ە ا ق- تا ءوتىنىش وڭدەلىپ، دەرەكتەر تەكسەرىلگەننەن كەيىن، ءوتىنىش بەرۋشى قابىلدانعان شەشىم تۋرالى SMS- حابارلاما الادى، اقپارات تولەمدى تاعايىنداۋ جانە تولەۋ ءۇشىن م ءا س ق- قا جىبەرىلەدى.

ەستەرىڭىزگە سالا كەتەيىك، توتەنشە جاعدايلار كەزىندە تابىسىنان ايىرىلۋ جاعدايىنا بايلانىستى م ءا س ق- تان الەۋمەتتىك تولەم كەلەسى ساناتتاعى ازاماتتارعا تاعايىندالادى:

- ورتا، شاعىن جانە ميكروبيزنەس سۋبەكتىلەرىنىڭ قىزمەتكەرلەرى؛

- جەكە كاسىپكەرلەر؛

- جەكە پراكتيكامەن اينالىساتىن ادامدار (نوتاريۋس، جەكە سوت ورىنداۋشىسى، ادۆوكات، كاسىبي مەدياتور)؛

- ءبىرىڭعاي جيىنتىق تولەمدى تولەۋشىلەر؛

- نىساناسى جۇمىستاردى ورىنداۋ (قىزمەتتەر كورسەتۋ) بولىپ تابىلاتىن ازاماتتىق- قۇقىقتىق سيپاتتاعى شارتتار بويىنشا تابىس تاباتىن، سالىق اگەنتتەرى ولار ءۇشىن مىندەتتى زەينەتاقى جارنالارىن اۋدارعان ادامدار؛

- كارانتين ەنگىزىلگەن ەلدى مەكەندەردەگى ءىرى بيزنەس سۋبەكتىلەرىنىڭ قىزمەتكەرلەرى. وتىنىمدەردى قاراستىرۋدىڭ جانە الەۋمەتتىك تولەمدەردى تاعايىنداۋدىڭ جالپى مەرزىمى - 3 جۇمىس كۇنى.


سوڭعى جاڭالىقتار