جاڭا وقۋ جىلىندا 421 وقۋشىدان كوروناۆيرۋس انىقتالدى
بۇل تۋرالى ق ر د س م سانيتارلىق-ەپيدەميولوگيالىق باقىلاۋ كوميتەتى ءتوراعاسىنىڭ ورىنباسارى زاۋرە احمەتوۆا ايتتى، دەپ حابارلايدى قازاقپارات ءتىلشىسى.
«بۇگىندە ءبىلىم بەرۋ ۇيىمدارىنداعى سانيتارلىق-ەپيدەميولوگيالىق احۋالدى باقىلاۋ ەڭ باسىم باعىتتاردىڭ ءبىرى بولىپ وتىر. وقۋ جىلى باستالعاننان بەرى 421 سىرقاتتانۋ جاعدايى تىركەلدى. ءاربىر جاعدايعا وراي ەپيدەميولوگيالىق تەكسەرۋ جۇرگىزىلدى. ەپيدەميولوگيالىق تەكسەرۋدىڭ ناتيجەسىندە اتالعان بالالاردىڭ دەمالىس كەزىندە-اق اۋىرعانى جانە كوروناۆيرۋس ينفەكسياسىن جۇقتىرعاندارمەن قارىم-قاتىناستا بولعانى انىقتالدى»، - دەدى ول ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
ونىڭ اتاپ وتۋىنشە، وسىعان بايلانىستا اتالعان بالالارمەن قارىم-قاتىناستا بولعان 3 مىڭنان استام وقۋشى تەكسەرۋدەن ءوتتى. تەكسەرۋدەن وتكەن وقۋشىلاردىڭ اراسىندا 3 بالانىڭ عانا كوروناۆيرۋس جۇقتىرعانى پ ت ر تەست ارقىلى انىقتالدى.
«بۇل جۇمىس كۇندەلىكتى جۇرگىزىلەدى. سىرقات تانۋ جوعارى شەگىنە جەتكەن 6- تامىزدا ەلىمىزدە 8325 ادام اۋىردى، ونىڭ 651 ءى - وقۋشىلار. ياعني، كوروناۆيرۋس ينفەكسياسىنىڭ ءبىلىم بەرۋ ۇيىمدارىندا تارالۋىنا جول بەرمەۋ ءۇشىن قاتاڭ كارانتيندىك ءىس-شارالار قابىلدانعان»، - دەدى زاۋرە احمەتوۆا.