USD 425.02 EUR 450.1
RUB 7.17 CNY 63.75
جاڭالىقتار

الماتى تراگەدياسى: ءمايىتحانادان 41 ءمايىتتى بەلگىسىز ادامدار ۇرلاپ اكەتكەن

17 قاڭتار 08:04
:ءبولىسۋ
الماتى تراگەدياسى: ءمايىتحانادان 41 ءمايىتتى بەلگىسىز ادامدار ۇرلاپ اكەتكەن

نۇر- سۇلتان. قازاقپارات - لاڭكەستەر ولىكتەر مەن جارالىلاردى قالدىرماي، وزدەرىمەن بىرگە الىپ كەتكەن.

بۇل تۋرالى بۇگىن ورتالىق كوممۋنيكاتسيالار قىزمەتىندە الماتى قالالىق پوليتسيا دەپارتامەنتىنىڭ باستىعى قانات تايمەردەنوۆ ءمالىم ەتتى، دەپ حابارلايدى قازاقپارات ءتىلشىسى.

ونىڭ ايتۋىنشا، شابۋىلداردى قارۋ- جاراق پەن ۇرىس ادىستەرىن مەڭگەرگەن، كاسىبي دايىندالعان ادامدار جاساعان. تۇندە ولار وسال جەرلەردى ىزدەدى. بۇل رەتتە ولار قازا بولعاندار مەن جارالىلاردى قالدىرماي، وزدەرىمەن بىرگە الىپ كەتكەن.

«بۇل كۇندەرى ءمايىتحاناعا جەتى شابۋىل بولدى، ونىڭ بارىسىندا قايتىس بولعانداردىڭ 41 ءمايىتىن بەلگىسىز ادامدار ۇرلاپ اكەتتى»، - دەدى پ د باستىعى قانات تايمەردەنوۆ.

ونىڭ ايتۋىنشا، پوليتسيا دەپارتامەنتىنىڭ عيماراتىن باسىپ الۋعا لاڭكەستەر 27 رەت ارەكەت جاسادى.

بۇدان بۇرىن حابارلانعانداي، 5-قاڭتار كۇنى تاڭەرتەڭ الماتىدا قالا ورتالىعىنا ءبىر مەزگىلدە 20 مىڭ ادام جينالدى. ودان كەيىن رەسپۋبليكا الاڭىنا جينالعان مىڭداعان شابۋىلشىلار اكىمدىك عيماراتىن باسىپ الۋعا تاعى دا ارەكەتتەنگەن. پوليتسيا دەپارتامەنتىنىڭ باسشىسى الماتىدا لاڭكەستەر 1347 قارۋ ۇرلاعانىن ايتتى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات