قازاقستان تالانتتىلاردىڭ الەمدىك رەيتينگىندە 41-ورىندا
بۇل تۋرالى قازاقپارات ۇلتتىق ەكونوميكا مينيسترلىگىنە سىلتەمە جاساپ حابارلايدى.
«IMD -2021 -جىلعى رەيتينگتە قازاقستان ءوز پوزيتسياسىن 3 تارماققا جانە 2020 -جىلعى رەيتينگپەن سالىستىرعاندا 1,22 باللعا جاقسارتىپ، 54,22 باللدىق ناتيجەمەن 41-ورىن الدى»، - دەلىنگەن IMD حابارلاماسىندا.
IMD تالانتتار رەيتينگى ءوزىنىڭ باسەكەگە قابىلەتتىلىگىن نىعايتۋ ءۇشىن تالانتتاردى دامىتۋ جانە تارتۋداعى ەكونوميكانىڭ الەۋەتىن كورسەتەدى. اعىمداعى جىلى قازاقستان رەيتينگتىڭ 2 فاكتورى بويىنشا ءوز پوزيتسياسىن جاقسارتقان.
«تارتىمدىلىق» فاكتورى بويىنشا قازاقستان 8 پوزيتسياعا جوعارىلاپ، 39-ورىنعا يە بولدى. بۇل قورىتىندى رەيتينگكە ايتارلىقتاي اسەر ەتتى. جاقسارۋ «ءومىر ءسۇرۋ قۇنىنىڭ يندەكسى» بويىنشا 3-ورىن، «جەكە تۇلعالاردان الىناتىن تابىس سالىعى» بويىنشا 7-ورىن، «شەتەلدىك جوعارى بىلىكتى كادرلار» بويىنشا 25-ورىن كورسەتكىشتەرى بويىنشا كۇشتى پوزيتسيالارمەن تۇسىندىرىلەدى. «دايىندىق» فاكتورى بويىنشا قازاقستان ءوز پوزيتسياسىن 7 تارماققا جاقسارتىپ، 43-ورىن الدى. جاقسارۋ «جوعارى بۋىنداعى قۇزىرەتتى باسشىلار» بويىنشا 18-ورىن، «قارجىلىق داعدىلار» بويىنشا 29-ورىن، «حالىقارالىق تاجىريبە» كورسەتكىشى بويىنشا 29-ورىن كورسەتكىشتەرى بويىنشا كۇشتى پوزيتسياعا قول جەتكىزۋمەن تۇسىندىرىلەدى.
قازاقستان ۆەنگريا (42-ورىن)، تايلاند (43-ورىن)، پولشا (45-ورىن)، ۋكراينا (46-ورىن)، رەسەي (47-ورىن)، چيلي (48-ورىن)، تۇركيا (53-ورىن) ءتارىزدى ەلدەردەن الدا. 2021 -جىلعى زەرتتەۋگە 64 ەل قاتىسىپ وتىر.