22:29, 07 - شىلدە 2021 | GMT +6
الماتىدا ويىن الاڭىندا 41 جاستاعى ايەل كىشكەنتاي بالانى سوققىعا جىقتى
الماتى. قازاقپارات - الماتىدا بالالار ويىن الاڭىندا ءبىر ايەل بالانى سوققىعا جىقتى، دەپ حابارلايدى قازاقپارات ءتىلشىسى.
وقيعا 6- شىلدە كۇنى الماتى قالاسى بوستاندىق اۋدانىنداعى «ناۋرىز» تۇرعىن ءۇي كەشەنىنىڭ اۋلاسىندا بولعان.
«ويىن الاڭىندا 1980-جىلى تۋعان ايەل 8 جاسار بالانى ۇرىپ تاستادى. ول ونىڭ قابىرعاسىنان، باسىنان، كەۋدەسىنەن ۇرىپ، بۋىندىردى. كورشىلەرى ارەڭ اجىراتتى. سودان كەيىن ول بالانى قورعاعان ايەلدەرگە تاپ بەردى»، - دەپ جازدى Facebook قولدانۋشىسى جاننا احمەتوۆا.
پوليتسيا دەپارتامەنتى اتالعان دەرەكتىڭ تىركەلگەنىن ءمالىم ەتتى.
«بۇل ماسەلە نازاردا. بارلىق قاتىسۋشىلار بۇگىن شاقىرىلادى. ءتيىستى ساراپتامالار تاعايىندالادى، ولاردىڭ ناتيجەسى بويىنشا شارالار قابىلدانادى»، - دەدى بوستاندىق اۋداندىق پوليتسيا باسقارماسىنىڭ باستىعى دۋمان اۋحاديەۆ.