قازاقستان حالقىنىڭ %41 اۋىلدا تۇرادى - ستاتيستيكا

None
None
نۇر-سۇلتان. قازاقپارات - ق ر ستراتەگيالىق جوسپارلاۋ جانە رەفورمالار اگەنتتىگى ۇلتتىق ستاتيستيكا بيۋروسى دەموگرافيالىق احۋال تۋرالى مالىمەتتەردى ۇسىندى، دەپ حابارلايدى قازاقپارات.

وعان سايكەس، 2020-جىلدىڭ 1- جەلتوقسانىنداعى جاعداي بويىنشا، ەلىمىزدە حالىق سانى 18 ميلليون 852 مىڭ ادامدى قۇرادى.

ونىڭ ىشىندە 11 ميلليون 129 مىڭى نەمەسە %59,0 - قالادا، 7 ميلليون 723 مىڭى نەمەسە %41,0 اۋىلدا تۇرادى.

قازاقستان تۇرعىندارىنىڭ 9 ميلليون 146 مىڭى نەمەسە %48,5 - ەرلەر بولسا، 9 ميلليون 706 مىڭى نەمەسە %51,5 - ايەلدەر.

«2019-جىلعى 1- جەلتوقسانمەن سالىستىرعاندا حالىق سانى 241,7 مىڭ ادامعا نەمەسە %1,3 ءوستى. قاراستىرىلىپ وتىرعان كەزەڭدە ەڭ كوپ جالپى ءوسىمى ەلىمىزدىڭ 3 وڭىرىندە: الماتى (62,7 مىڭ ادام)، نۇر-سۇلتان (48,1 مىڭ ادام) جانە شىمكەنت (36,4 مىڭ ادام) قالالارىندا تىركەلدى»، - دەلىنگەن اقپاراتتا.

سوڭعى جاڭالىقتار