جىل سايىن سۋ تاسقىنىنان قازاقستان ەكونوميكاسىنا 419 ميلليون دوللار شىعىن كەلەدى
«ماۋسىمدىق سۋ تاسقىنى ۇلكەن ەكونوميكالىق شىعىنعا ۇشىراتادى، حالىقتىڭ ءومىرى مەن دەنساۋلىعىنا قاۋىپ توندىرەدى. ورتالىق ازيانىڭ وڭىرلىك ەكولوگيالىق ورتالىعىنىڭ ەسەبىنە سايكەس، قازاقستان ەكونوميكاسىنا سۋ تاسقىنى سالدارىنان 419 ميلليون دوللار ورتاشا جىلدىق شىعىن كەلەدى. سۋ تاسقىنىنان زارداپ شەككەن ادامداردىڭ ورتاشا جىلدىق سانى شامامەن 156 مىڭ»، - دەپ كورسەتىلگەن اشىق نقا پورتالىندا جاريالانعان تۇجىرىمدامادا.
ەكولوگيا مينيسترلىگىنىڭ دەرەگىنشە، سۋ تاسقىنىنا نەگىزگى سەبەپ - ماڭىزدى وبەكتىلەردىڭ دۇرىس قورعالماۋى، زاماناۋي تەحنولوگيالاردىڭ بولماۋى، گيدرولوگيالىق بولجامداردىڭ دۇرىس جۇرگىزىلمەۋى.
«بۇعان ىرگەلەس مەملەكەتتەردىڭ كەلىسىلمەگەن ارەكەتتەرى دە سەبەپ بولادى. ماسەلەن، وزبەكستان اۋماعىنداعى ساردوبا سۋ قويماسىنداعى اپات. توتەنشە جاعدايلار جونىندەگى قىزمەت، «قازسۋشار» جانە «قازگيدرومەت» بولجامدى- تالدامالىق جۇمىسى ناشار ۇيىمداستىرىلعان. نەگىزىنەن ارەكەت ەتۋ شارالارى فاكتىدەن كەيىن جاسالادى، بولجام ءالسىز جۇرگىزىلەدى. بۇل رەتتە اۋا رايىنىڭ وزگەرۋىنە، سۋدىڭ اعىمداعى تەمپەراتۋراسىنا، مۇز بەن جاۋىن- شاشىننىڭ ەرۋ قارقىندىلىعىنا ءتيىستى كوڭىل بولىنبەيدى»، - دەگەن ماسەلەلەر قوزعالعان قۇجاتتا.
تۇجىرىمداما جوباسى 20- ماۋسىمعا دەيىن كوپشىلىك تالقىلاۋىندا بولادى.