الاياقتار مەن قارجى پيراميدالارى قازاقستاندىقتاردى 417 ميلليارد تەڭگەگە الداعان
ق ر باس پروكۋرورى عيزات نۇرداۋلەتوۆ ءماجىلىس وكىلدەرىنىڭ دەپۋتاتتىق ساۋالىنا بەرگەن جاۋابىندا وسى تەندەنسيامەن كۇرەس قالاي ءجۇرىپ جاتقانىن باياندادى، دەپ حابارلايدى قازاقپارات ءتىلشىسى. قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتتىڭ دەرەگى بويىنشا، 2020 -جىلعى ناۋرىز بەن 2021 -جىلعى ءساۋىر ارالىعىندا «الاياقتىق» جانە «قارجى پيراميداسىن قۇرۋ جانە وعان باسشىلىق ەتۋ» باپتارىمەن قاتىسى بار 41307 قۇقىق بۇزۋشىلىق تىركەلگەن. وسى ىستەر بويىنشا زارداپ شەككەندەردىڭ جالپى سانى 40833 ادامعا جەتكەن.
ال كەلگەن زالالدىڭ مولشەرى 417 ميلليارد تەڭگە بولعان. ءبىر توپ ءماجىلىس وكىلىنىڭ ق ر باس پروكۋرورى عيزات نۇرداۋلەتوۆكە جولداعان دەپۋتاتتىق ساۋالىندا وسىنداي پروبلەما كوتەرىلگەن. باس پروكۋرور ساۋالعا بەرگەن جاۋابىندا بۇل ىسپەن قازىر قارجى نارىعىن رەتتەۋ جانە دامىتۋ اگەنتتىگىنىڭ جانىنان قۇرىلعان ارنايى كوميسسيا اينالىساتىنىن ايتادى.
«قارجى پيراميدالارىن انىقتاۋ جانە جولىن كەسۋ، ماتەريالدارىن قۇقىق قورعاۋ ورگاندارىنا بەرۋ ءۇشىن باس پروكۋراتۋرانىڭ باستاماسىمەن قارجى نارىعىن رەتتەۋ جانە دامىتۋ اگەنتتىگى جانىنان (ۇلتتىق بانك، ا ف م، قارجىمينى، ا ق د م، ءى ءى م- مەن بىرلەسىپ) ۆەدومستۆوارالىق جۇمىس توبى قۇرىلدى»، - دەپ جازدى عيزات نۇرداۋلەتوۆ دەپۋتاتتىق ساۋالعا جاۋابىندا.
ونىڭ ايتۋى بويىنشا، ۆەدومستۆوارالىق جۇمىس توبىنىڭ اياسىندا مەملەكەتتىك ورگاندار اراسىنداعى ءوزارا ءىس- قيمىل جانە قارجىلىق پيراميدا بەلگىلەرى بار ۇيىمداردىڭ قىزمەتىن توقتاتا تۇرۋ شارالاردى قابىلداۋ تەتىگى ازىرلەنگەن. سونداي- اق، ينتەرنەت- رەسۋرستار بۇعاتتالىپ، ب ا ق- تا ءتۇسىندىرۋ جۇمىستارى جۇرگىزىلىپ كەلەدى.
«بۇل جۇمىستار 12 قارجى پيراميداسىن ەرتە باستان انىقتاپ، بىردەن قىزمەتىن توقتاتۋعا مۇمكىندىك بەردى. اتالعان نىسان يەلەرىنىڭ ۇستىنەن سوتقا دەيىنگى تەرگەۋ باستالدى. قارجى پيراميدالارىنا جانە زاڭسىز قارجى وپەراتسيالارىنا قارسى ءىس- قيمىل جونىندەگى جۇمىس تۇراقتى باقىلاۋدا. باس پروكۋراتۋرا وسى ساۋالدى نازارعا الا وتىرىپ، زاڭدىلىقتى نىعايتۋ جانە ازاماتتاردىڭ قۇقىقتارىن قورعاۋدى كۇشەيتۋ بويىنشا ودان ءارى بىرلەسكەن جۇمىسقا دايىن»، - دەپ تۇيىندەدى باس پروكۋرور.