دوللار باعاسى تاعى ارزانداپ، 415 تەڭگەدەن ساۋدالانۋدا

الماتى. قازاقپارات - قازاقستان قور بيرجاسىنداعى (KASE) ساۋدا- ساتتىق قورىتىندىلارى بويىنشا، دوللاردىڭ تەڭگەگە شاققانداعى باعامى تومەندەدى، دەپ حابارلايدى قازاقپارات ءتىلشىسى.

KASE قور نارىعىنداعى كۇندىزگى ساۋدا قورىتىندىسى بويىنشا، دوللار باعامى 1, 67 تەڭگەگە ارزاندادى. 1 دوللار 415,12 تەڭگە بولدى. ۇلتتىق بانكتىڭ 25-مامىرداعى رەسمي باعامى - 1 دوللارعا 416,91 تەڭگە.

Kurs.kz مالىمەتىنشە، الماتىداعى اقشا ايىرباستاۋ پۋنكتەرىندە دوللاردىڭ ساتۋ باعامى 415,34 تەڭگە، ساتىپ الۋ - 419,17 تەڭگە. ال نۇر- سۇلتان قالاسى بويىنشا ساتۋ باعامى 413,19 تەڭگەدەن بولسا، ال ساتىپ الۋ قۇنى - 416,56 تەڭگە.

ەسكە سالساق، كەشە قور نارىعىندا دوللار 416 تەڭگەدەن ساتىلعان ەدى.