15:57, 29 - ماۋسىم 2020 | GMT +6
ءۇندىستاندا ءبىر تاۋلىكتە 410 ادام كوروناۆيرۋستان كوز جۇمدى
نيۋ-دەلي. قازاقپارات - ءۇندىستاندا كوروناۆيرۋس ىندەتىنە شالدىققان ادامداردى ەمدەۋگە ارنالعان الەمدەگى ەڭ ۇلكەن اۋرۋحانالاردىڭ ءبىرى اشىلدى.
بۇل كۇنى ەلدە ءبىر تاۋلىكتە كوروناۆيرۋسكە شالدىققان ادامداردىڭ رەكوردتىق سانى تىركەلدى. بۇل تۋرالى قازاقپارات CNN- گە سىلتەمە جاساپ حابارلايدى.
ءۇندىستاندا 10 مىڭ ناۋقاسقا ارنالعان Sardar Patel COVID Care Centre مەديتسينالىق مەكەمەسى جەكسەنبى كۇنى جۇمىسىنا كىرىستى. ازىرگە اۋرۋحانا 2000 پاتسيەنتتى قابىلداي الادى، دەپ حابارلايدى قازاقپارات CNN- گە سىلتەمە جاساپ. Sardar Patel COVID Care Centre اۋرۋحاناسىنىڭ «الەمدەگى ەڭ ۇلكەن اۋرۋحانالاردىڭ ءبىرى» ەكەنى حابارلاندى.
سوڭعى تاۋلىك ىشىندە ەلدە كوروناۆيرۋسكە شالدىعۋدىڭ 19906 جاڭا وقيعاسى تىركەلگەن، 410 ادام قايتىس بولدى. ال جالپى ەلدە اۋرۋعا شالدىققاندار سانى 528859 ادامعا جەتىپ، ىندەتتەن 16095 ادام كوز جۇمعان.