اۋەكومپانيالارعا 40 ميلليون تەڭگە ايىپپۇل سالىندى - ازاماتتىق اۆياتسيا كوميتەتى
بۇل تۋرالى ورتالىق كوممۋنيكاتسيالار قىزمەتىندە وتكەن بريفينگىدە ازاماتتىق اۆياتسيا كوميتەتىنىڭ ءتوراعاسى تيمۋر لاستايەۆ مالىمدەدى، دەپ حابارلايدى قازاقپارات ءتىلشىسى.
«جالپى سوماسى 40 ميلليون تەڭگە بولاتىن 14 اكىمشىلىك ايىپپۇل سالىندى. بۇل سالىستىرمالى تۇردە از سياقتى كورىنۋى مۇمكىن، ءبىراق تاسىمالداۋشىلار ءۇشىن بەدەل وتە ماڭىزدى. ولار قانداي دا ءبىر ولقىلىقتار ءۇشىن جاۋاپكەرشىلىككە تارتىلعان كەزدە، بۇل كومپانيالاردىڭ بەدەلىنە نۇقسان كەلتىرەدى. دالەلدەنگەن جاعدايدا ءبىز ءارقاشان جولاۋشىلاردىڭ قۇقىعىن قورعايمىز»، - دەدى تالعات لاستايەۆ.
سونىمەن قاتار، ول اۋە كەمەلەرى پاركىنىڭ قالاي جاڭارىپ جاتقانىنا دا توقتالدى.
«وتكەن جىلى باتىس ەلدەرىندە شىعارىلعان 14 جاڭا اۋە كەمەسى ساتىپ الىنىپ، پاركتەگى جالپى ۇشاق سانى 87 گە جەتتى. بيىل ءبىزدىڭ اۆياكومپانيالار تاعى 3 اۋە كەمەسىن الدى. جىل سوڭىنا دەيىن 10 ۇشاق اكەلۋ جوسپارلانىپ وتىر. سونىمەن قاتار 2025-جىلعا دەيىن 29 اۋە كەمەسىن ساتىپ الۋ كوزدەلۋدە»، - دەپ تۇيىندەدى تالعات لاستايەۆ.
قوسا كەتسەك، بۇگىن Air Astanا اۋەكومپانياسىنىڭ پرەزيدەنتى پيتەر فوستەر Fly Arystan Air Astana- دان بولىنسە، وندا تاريفتەر تومەندەمەيتىنىن مالىمدەگەن ەدى.
ال، ۇكىمەت باسشىسى ءاليحان سمايىلوۆ اۋەكومپانيانىڭ جولاۋشىمەن ديالوگ ورناتۋ مادەنيەتىنىڭ تومەندىگىن سىنعا الدى.