ارالىق قورىتىندىلار: 40 مىڭنان استام تالاپكەر نەگىزگى ۇ ب ت- نا تاپسىردى

استانا. قازاقپارات - نەگىزگى ۇ ب ت باستالعاننان بەرى 40 مىڭنان استام ادام تەست تاپسىردى. ونىڭ ىشىندە تالاپكەرلەردىڭ 70 پايىزى قازاق تىلىندە، 30 پايىزى ورىس تىلىندە، 50 ادام اعىلشىن تىلىندە تەستىلەۋدەن ءوتتى.

بۇل مالىمەتتەردى بۇگىن ق ر عىلىم جانە جوعارى ءبىلىم مينيسترلىگىنىڭ باسپا ءسوز قىزمەتى جاريالادى، دەپ حابارلايدى قازاقپارات.

ۇ ب ت باستالعالى شەكتى بالدى 76 پايىزعا جۋىق تالاپكەر جينادى. ورتاشا بالعا كەلەتىن بولساق، ول 68 ءدى قۇرادى. ەڭ جوعارى بال - 137.

«نەگىزگى ۇ ب ت- نىڭ ءبىرىنشى اپتاسى اياقتالدى. تەستىلەۋ 5- شىلدەگە دەيىن وتەدى. ەستەرىڭىزگە سالا كەتسەم، تەستىلەۋگە قاتىسۋعا ەكى مۇمكىندىكتى ەسەپكە العاندا 305 مىڭعا جۋىق ءوتىنىش كەلىپ ءتۇستى. قازىرگى تاڭدا تەستىلەنۋشىلەردىڭ باسىم بولىگى، اتاپ ايتقاندا، 20 پايىزى «ماتەماتيكا-فيزيكا» پاندەر كومبيناتسياسىن تاپسىردى. 14 پايىزى «بيولوگيا-حيميا» كومبيناتسياسىن تاڭداعان. ەڭ از تاڭدالاتىن كومبيناتسيا - «حيميا-فيزيكا»، ونى 50 ادام تاپسىرعان»، - دەدى ق ر ع ج ب م ۇلتتىق تەستىلەۋ ورتالىعىنىڭ ديرەكتورى رۋسلان ەمەلبايەۆ.

ەرەكشە ءبىلىم بەرۋ قاجەتتىلىكتەرى بار وقۋعا تۇسۋشىلەر ءۇشىن قولايلى جاعداي جاساۋدىڭ ارقاسىندا ۇ ب ت- عا 108 تالاپكەر قاتىسقانىن ايتا كەتكەن ءجون.