قاراعاندىدا 40 ادامنان تۇراتىن ءىرى قىلمىستىق توپ ۇستالدى
«وتكەن اپتادا ءى ءى م ۇيىمداسقان قىلمىسقا قارسى كۇرەس دەپارتامەنتى ۇ ق ك-نىڭ 5 دەپارتامەنتىمەن بىرلەسىپ، ۇزاق ۋاقىت بويى قاراعاندى وبلىسىنداعى قىلمىستىق توپتىڭ جولىن كەسۋ بويىنشا ارنايى وپەراتسيا جۇرگىزدى. توپ باسشىسى مەن مۇشەلەرى اراسىندا ءارقايسىسىنىڭ ءرولىن بولەتىن ناقتى باسشىلىق قۇرامى بولعان. قۇپيا ساقتىق شارالارى قاتاڭ ساقتالعان»، - دەدى ىشكى ىستەر مينيسترلىگىنىڭ وكىلى شۇعىلا تۇرلىبەك ۆەدومستۆونىڭ ونلاين-بريفينگىسىندە.
ارنايى جانە جەدەل-ىزدەستىرۋ شارالارى ارقىلى ءوڭىردىڭ ءىرى ونەركاسىپتىك وبەكتىلەرىندە، ونىڭ ىشىندە «ارسەللور ميتتال تەمىرتاۋ» ا ق-دا تاۋار مەن ماتەريال ۇرلاۋدىڭ كوپدەڭگەيلى جۇيەسى اشىلعان.
«بوپسالاۋ، دەنساۋلىققا اۋىر زيان كەلتىرۋ، كىسى ولتىرۋگە وقتالۋ جانە بۇزاقىلىق سەكىلدى توپ مۇشەلەرىنىڭ ءبىرقاتار اشىلماعان اۋىر جانە اسا اۋىر قىلمىستارعا قاتىسى بارى انىقتالدى. ارنايى وپەراتسيا بارىسىندا 100 دەن استام ءتىنتۋ جاسالدى، 9 اتىس قارۋى، گراناتومەت، تروتيل، گراناتالار، قۇجاتتاما مەن جالعان مورلەر، ءدىني كىتاپتار، ءىرى كولەمدە اقشا، جىلجىمالى جانە جىلجىمايتىن مۇلىك، سونداي-اق تىڭداۋعا ارنالعان تەحنيكالىق قۇرالدار تاركىلەندى. جەدەل- تەرگەۋ شارالارى جالعاسىپ جاتىر»، - دەدى مينيسترلىك وكىلى.