اسكەردەن كەلگەن جاستاردى 40 تان استام ج و و تەگىن وقىتۋعا دايىن

None
استانا. قازاقپارات - مەرزىمدى اسكەري قىزمەتىن وتكەرگەن جاستاردى جەڭىلدىك بەرىلگەن تارتىپپەن 40 تان استام ج و و وقىتۋعا دايىن.

بۇل تۋرالى ق ر قورعانىس ءمينيسترىنىڭ كەڭەسشىسى ايگۇل تولەمبايەۆا ايتتى، دەپ حابارلايدى قازاقپارات ءتىلشىسى.

ايتا كەتەيىك، ق ر قارۋلى كۇشتەرىنىڭ قۇرالىمدارى قاتارىندا مەرزىمدى اسكەري قىزمەتىن وتكەرگەن ازاماتتار ءۇشىن ج و و- عا ءتۇسۋدىڭ جەڭىلدىكتەرى قاراستىرىلعان.

«قازىرگى ۋاقىتتا قورعانىس مينيسترلىگىنىڭ اسكەري قىزمەتشىلەرگە ءبىلىم بەرۋ جەڭىلدىكتەرىن ەنگىزۋ باستاماسىن ەلىمىزدىڭ 40 تان استام جەتەكشى جوعارى وقۋ ورنى قولدادى»، - دەدى ايگۇل تولەمبايەۆا ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.

وسى ورايدا ول ءتيىستى كەلىسىم اياسىندا ج و و- لار 100 پايىز جەڭىلدىك بەرەتىنىن ايتتى.

«اتاپ ايتقاندا، مەرزىمدى اسكەري قىزمەت وتكەرگەن ازاماتتاردى وقىتۋ ءۇشىن ءۇش مىڭ ورىن بەرۋ جونىندە كەلىسىمگە قول قويىلدى»، - دەدى ءمينيستردىڭ كەڭەسشىسى.

بۇدان بۇرىن حابارلانعانداي، ساربازداردىڭ اسكەري قىزمەت اياقتالعاننان كەيىن ۇ ب ت- نى ەسكەرمەستەن ەكى جىل ىشىندە اقىلى نەگىزدە ج و و- عا وقۋعا ءتۇسۋ مۇمكىندىگى بار.

ەكىنشىدەن، جاۋىنگەرلىك دايارلىقتا، جۇكتەلگەن مىندەتتەردى ورىنداۋدا جوعارى ناتيجەگە قول جەتكىزگەن جانە ۇلگىلى اسكەري تارتىبىمەن ەرەكشەلەنگەن اسكەري قىزمەتشىلەرگە ۇ ب ت تاپسىرماي-اق، ج و و ەسەبىنەن وقۋ قۇقىعى بەرىلەدى.

بۇدان وزگە، وقۋ ورنىنىڭ اسكەري كافەدراسىندا ەمتيحانسىز تەگىن وقۋعا بولادى. اتاپ ايتقاندا، مەرزىمدى اسكەري قىزمەتىن وتەپ شىققاندار قاتارداعى جاۋىنگەر بولادى.

ال ەگەر وفيتسەر شەنىن العىسى كەلسە، ولار اسكەري كافەدرادا ءبىلىم الىپ، لەيتەنانت اتانادى.

اتالعان جەڭىلدىكتەردى پايدالانۋ ءۇشىن جاستار ءتيىستى قۇجاتتاردى جوعارى وقۋ ورىندارىنا تاپسىرۋى كەرەك.

سوڭعى جاڭالىقتار