ەلوردادا اۋاعا شىعارىلاتىن زياندى قالدىقتار كولەمى 40 مىڭ تونناعا ازايادى
بۇل تۋرالى نۇر- سۇلتان قالالىق وتىن- ەنەرگەتيكالىق كەشەنى جانە كوممۋنالدىق شارۋاشىلىق باسقارماسى وتىن- ەنەرگەتيكالىق رەسۋرستار ءبولىمىنىڭ باسشىسى ماقسات ەسماعۇلوۆ ايتتى، دەپ حابارلايدى قازاقپارات ءتىلشىسى.
«قازىرگى ۋاقىتتا نۇر- سۇلتان قالاسىنىڭ اكىمدىگى بايقوڭىر مەن ەسىل اۋداندارىنا گاز جەتكىزەتىن ديامەترى ۇلكەن قۇبىرلاردى توسەۋ جۇمىسىن باستادى. وسى جىلى پريگورودنىي، Family Village، Garden Village، يلينكا، ءوندىرىس تۇرعىن ءۇي الاپتارىنا ۇلكەن قۇبىرلار تارتۋ جۇمىسى جۇرگىزىلىپ جاتىر. وسى جىلدىڭ سوڭىنا دەيىن نەگىزگى جۇمىس اياقتالادى دەپ جوسپارلاپ وتىرمىز.
كەلەسى جىلى اتالعان تۇرعىن ءۇي الاپتارىندا ءار ۇيگە گاز تاراتۋ جەلىلەرىن سالۋ جوباسى قولعا الىنادى. بارلىق جوبانى 2024 -جىلدىڭ سوڭىنا، 2025 -جىلدىڭ باسىندا اياقتاۋ جوسپارلانعان. جوبانى اياقتاعاننان كەيىن ەلورداداعى بارلىق تۇرعىن ءۇي الابى گازعا قوسىلادى. ياعني، 300 مىڭ ادام گازعا قوسىلۋ مۇمكىندىگىنە يە بولادى. ەلوردا تولىق گازداندىرىلعاننان كەيىن اۋاعا شىعارىلاتىن زياندى قالدىقتار كولەمى 40 مىڭ تونناعا ازايادى»، - دەدى ول ەلوردا اكىمدىگىندە وتكەن باسپا ءسوز ءماسليحاتىندا.
اۆتور
مارلان جيەمباي