ا ق ش- تا 40 جىلدا بولماعان ينفلياتسيا
12 تامىز 10:32

ا ق ش- تا 40 جىلدا بولماعان ينفلياتسيا

نۇر-سۇلتان.قازاقپارات - قۇراما شتاتتاردا شىلدە ايىندا بەنزين ارزانداعان، ءبىراق ازىق- تۇلىك باعاسى شارىقتاپ شىعا كەلدى. قىمباتشىلىقتىڭ قىسپاعىندا قالعانىن بۇل جولى حالىق انىق سەزىندى.

تۇرعىن:

- ءبىر لاتتە 4 دوللار 50 سەنت تۇراتىن، قازىر 5 دوللار. ءتىپتى كەي جەردە 7 دوللارعا ساتىلادى. ءبىر بوتەلكە سۋ 1 دوللار 25 تسەنت بولاتىن، قازىر 1,60 دوللار. وسىلاي باعا بايقالماي ءوسىپ جاتىر.

- مەنىڭ ويىمشا، الداعى ءبىر- ەكى ايدا، نە بىرنەشە اپتانىڭ ىشىندە باعا تۇراقتانا قويمايدى. كەلەسى جىلعا دەيىن وسىلاي وسە مە دەگەن كۇدىك بار. سوندىقتان، قازىردەن باستاپ نە ىستەۋىمىز كەرەگىن ويلاۋ قاجەت.

بلۋمبەرگتىڭ حابارلاۋىنشا، بىلتىرعىمەن سالىستىرعاندا ا ق ش- تاعى ازىق باعاسى دەرلىك 11 پروسەنتكە وسكەن. سوڭعى رەت مۇنداي كورسەتكىش 1979 -جىلى بولعان. ماسەلەن، ءداندى داقىل باعاسى 16,8 ال مۇزداتىلعان جەمىس- كوكونىس 10,6 پايىزعا ءوستى. سونداي- اق بالالار تاماعى 15 پايىزعا قىمباتتادى. بۇل ساناتتاعى تاۋارلاردا بۇرىن- سوڭدى بۇنداي ءوسىم بولماعانىن ايتا كەتكەن ءجون. ءسۇت ونىمدەرى 15, جۇمىرتقا 38 پايىزعا شارىقتادى.

برايان ماركس، ەكونوميست:

- مىنا نارسەنى ەسكەرگەن ءجون: نارىق قازىر قاتتى قۇبىلىپ جاتىر. وعان قوسا، ەكونوميكانىڭ بولدىرۋى جانە السىرەۋى دەگەن ۇعىم بار. ەستەرىڭىزدە بولسا، پاندەمياعا بايلانىستى ءبارىمىز ەكونوميكالىق تۇرعىدان داعدارىپ قالدىق، ارينە، وسىنىڭ ءبارى باعاعا اسەر ەتتى. ۋكراناداعى سوعىس پەن قىتايمەن اراداعى كيكىلجىڭ تاعى شىقتى. وپەك- ءتىڭ ىقپالى ءوز الدىنا. وسىنىڭ ءبارى ەكونوميكاعا قاتەر توندىرەدى. سوندىقتان، ينفلياتسياعا قاتىستى بۇرىنعىداي بولجام جاساۋ قيىن.

كەشە اق ءۇي باسشىسى دەمالىسقا كەتەر الدىندا ءدال وسى ينفلياتسياعا قاتىستى مالىمەمە جاسادى.

دجو بايدەن، ا ق ش پرەزيدەنتى:

- بۇگىن شىلدە ايىندا ينفلياتسيا ءنول پروتسەنت دەڭگەيىنە بولعانى جايلى اقپار الدىق. ءنول پروتسەنت. بۇل نەنى بىلدىرەدى؟ كەي تاۋاردىڭ باعاسى قانشالىقتى وسسە، باسقاسىنىڭ باعاسى سونشالىقتى ارزانداعان. يا، حالىق ودان زارداپ شەگىپ وتىر. ەكونوميستەر ينفلياتسيانى باعامداعانمەن، ازىق- تۇلىك پەن ەنەرگيانىڭ باعاسىن ەلەمەگەن. سويتە تۇرا بۇنى نەگىزگى ينفلياتسيا دەپ اتايدى. وتكەن اپتادا 528 مىڭ جۇمىس ورنى قۇرىلىپ، جۇمىسسىزدىق دەڭگەيى 3,5 پروتسەنتكە جەتكەنىن ەسكەرسەك - تەگەۋرىندى ەكونوميكانى قۇرۋداعى جۇمىسىمىزدى بۇل ينفلياتسيا جوققا شىعارىپ وتىر.

ا ق ش پرەزيدەنتى الداعى ۋاقىتتا ەكونوميكاعا تونگەن قاۋىپ بۇلتىنىڭ سەيىلمەيتىنىن مويىندادى. بۇعان ەۋروپادان تاۋار تاسىمالىنىڭ باسەڭدەۋى جانە كوۆيدكە بايلانىستى ازياداعى كارانتين شارالارى سەبەپ. اق ءۇي اكىمشىلىگى ەندى ورتا تاپتىڭ ءال- اۋقاتىن ارتتىرۋعا كۇش سالامىز دەگەن نيەتتە. اۆتورى: باقىت توپتايەۆا

www.24.kz

جاڭالىقتار