ەگىسكە جىبەرىلگەن سۋدىڭ 40 پايىزى دالاعا كەتىپ جاتىر - ءاليحان سمايىلوۆ

None
None
نۇر-سۇلتان. قازاقپارات - پرەمەر-مينيستر ءاليحان سمايىلوۆ اكىمدىكتەرگە سۋ شارۋاشىلىعى وبەكتىلەرىن سيفرلاندىرۋ مەناۆتوماتتاندىرۋدىڭ جول كارتالارىن ۋاقتىلى ىسكە اسىرۋدى تاپسىردى، دەپ حابارلايدى قازاقپارات ءتىلشىسى.

«قازاقستانداعى 8 سۋ شارۋشالىعى باسسەينىنىڭ 7-ەۋى باستاۋىن ترانسشەكارالىق وزەندەردەن الادى. ياعني، وزەن سۋلارىنىڭ تەڭ جارتىسىنا جۋىعى سىرتتان كەلەدى. ساراپشىلار 2040 -جىلعا قاراي قازاقستاندا سۋدى تۇتىنۋ كولەمى 56 پايىزعا دەيىن وسەدى دەپ بولجاپ وتىر. سۋ تاپشىلىعى جىلىنا 12 تەكشە شاقىرىمعا دەيىن جەتۋى ىقتيمال. ونىڭ ۇستىنە، ءبىز قازاقستانداعى وزەندەردىڭ تارتىلىپ بارا جاتقانىن كورىپ وتىرمىز. بۇل الداعى ۋاقىتتا ەلىمىزدىڭ وڭتۇستىك وڭىرلەرى سۋ تاپشىلىعىنىڭ زاردابىن تارتادى دەگەندى بىلدىرەدى. سوندىقتان سۋدى ءتيىمدى پايدالانۋ - وتە وزەكتى ماسەلە»، - دەدى ول ۇكىمەت وتىرىسىندا.

ونىڭ ايتۋىنا قاراعاندا، اۋىل شارۋاشىلىعىنا ارنالعان سۋدىڭ نەبارى 60 پايىزى عانا ەگىس القاپتارىنا دەيىن جەتەدى.

«قالعان بولىگى ينفراقۇرىلىمنىڭ ناشارلىعىنان دالاعا كەتەدى. سوندىقتان كانالدار مەن سۋ قويمالارىن جوندەپ، سۋ رەسۋرستارىن باسقارۋدى اۆتوماتتاندىرۋ قاجەت. اكىمدىكتەر بۇل ماسەلەنى باقىلاۋىندا ۇستاپ، سۋ شارۋاشىلىعى وبەكتىلەرىن تسيفرلاندىرۋ جانە اۆتوماتتاندىرۋ جونىندەگى جول كارتالارىن ۋاقتىلى ىسكە اسىرۋعا ءتيىس»، - دەدى ءاليحان سمايىلوۆ.

ەكولوگيا، گەولوگيا جانە تابيعي رەسۋرستار ءمينيسترىنىڭ ايتۋىنشا، بيىل شارداراعا 5 ميلليارد تەكشە مەتر سۋ جيناۋعا مۇمكىندىك بار.

اۆتور: ەسىمجان ناقتىباي

سوڭعى جاڭالىقتار