پوليسەيمىن دەپ تەلەفونمەن قورقىتقان - قاراعاندىلىق الاياقتار 40 ميلليون تەڭگەنى جىمقىردى

نۇر- سۇلتان. قازاقپارات - الاياقتار وزدەرىن بانك نەمەسە پوليسيا قىزمەتكەرىمىن دەپ تانىستىرعان. بۇل تۋرالى اتالعان ۆەدومستۆو وكىلى شۇعىلا تۇرلىبەك ءمالىم ەتتى، دەپ حابارلايدى قازاقپارات ءتىلشىسى.

«قاراعاندىدا ازاماتتاردى 40 ميلليون تەڭگەگە الداپ كەتكەن ينتەرنەت- الاياقتار ۇستالدى. قاسكويلەر ازاماتتاردىڭ ابونەنتتىك نومىرىنە قوڭىراۋ شالىپ، وزدەرىن بانك نەمەسە پوليتسيا قىزمەتكەرى رەتىندە تانىستىرعان. ادامداردى الداپ، جەكە قاراجاتىن رەزەرۆتىك شوتقا اۋدارۋعا كوندىرگەن. وسىنداي الاياقتاردىڭ قۇربانى بولماس ءۇشىن ازاماتتاردى بارىنشا ساق بولۋعا شاقىرامىز»، - دەدى شۇعىلا تۇرلىبەك مينيسترلىكتە وتكەن باسپا ءسوز ءماسليحاتىندا.

سونداي- اق، مينيسترلىك وكىلى ەلدەگى كريمينوگەندىك جاعدايعا توقتالىپ ءوتتى.

«وتكەن اپتا ىشىندە 3299 قىلمىس جاسالدى، ونىڭ 1998 تاۋلىك ىشىندە اشىلدى. پوليسيا قىزمەتكەرلەرى «ءىزىن سۋىتپاي» 8 كىسى ءولتىرۋدى، 4 ولىمگە اكەپ سوققان دەنساۋلىققا قاساقانا اۋىر زيان كەلتىرۋدى، 1 قاراقشىلىق، 49 توناۋ جانە 531 بوتەن مۇلىكتى ۇرلاۋ قىلمىسىنىڭ بەتىن اشتى»، - دەيدى ول.