باتىس قازاقستاندا 40 ميلليون تەڭگەنى جىمقىرعان «قازپوشتا» قىزمەتكەرلەرى ۇستالدى
ب ق و بويىنشا ەكونوميكالىق تەرگەۋ دەپارتامەنتى ءمالىم ەتكەنىندەي، قازىرگى كەزدە ق ر ق ك 189-بابىنا سايكەس تەرگەۋ امالدارى جۇرگىزىلۋدە. اتالعان ەكى قىزمەتكەر ج ش س وكىلىنىڭ وسى سەرىكتەستىك ەسەپشوتىنا اۋدارۋ ءۇشىن تاپسىرعان قاراجاتىنىڭ ءبىر بولىگىن جىمقىرعان. كەلتىرىلگەن زالال كولەمى 33 ميلليون تەڭگەدەن استى. سونىمەن قاتار اتالعان ەكەۋ الداۋ جانە سەنىمگە كىرۋ جولىمەن زەينەتكەرلەرگە تيەسىلى 7 ميلليون استام تەڭگەنى قولدى قىلعان. وسى قىلمىستارعا كۇدىكتى رەتىندە قولعا تۇسكەن ەكى ايەل ۋاقىتشا ۇستاۋ يزولياتورىنا قامالدى.
ق ر قىلمىستىق ءىس جۇرگىزۋ كودەكسىنىڭ 128-بابىنا سايكەس باسقا اقپارات جاريالاۋعا جاتپايدى. ەسكە سالا كەتەيىك، بۇدان بۇرىن ب ق و- دا قارجى پيراميداسىن قۇرىپ، سالىمشىلاردان 76 ميلليون تەڭگە تۇسىرگەن ايەل ۇستالعانىن جازعان بولاتىنبىز.
اۆتور: ەلجان ەرالى