استانانى گازداندىرۋ قالادان شىعاتىن قالدىق كولەمىن 40 مىڭ تونناعا دەيىن ازايتادى - ەلوردا اكىمدىگى
تاعى ءبىر جايت مامانداردىڭ مالىمدەۋىنشە، نۇر-سۇلتان قالاسىن گازعا قوسۋ، شاھاردان جىل سايىن شىعاتىن قالدىقتاردىڭ كولەمىن 40 مىڭ تونناعا دەيىن ازايتۋعا مۇمكىندىك بەرەدى ەكەن.
بۇل تۋرالى قالالىق وتىن-ەنەرگەتيكالىق كەشەنى جانە كوممۋنالدىق شارۋاشىلىق باسقارماسىنىڭ باسشىسى تولەگەن قۇلۇشيەۆ ءمالىم ەتتى.
«ەلورداعا گاز تارتۋ جوباسى ءۇش كەزەڭگە بولىنگەن. گاز قۇرىلىسىنىڭ العاشقى كەزەڭى 2019-جىلدىڭ كۇزىندە باستالىپ، ول 9 ىسكە قوسۋ كەشەنىنەن تۇردى. بۇگىندە ەكىنشى جانە ءۇشىنشى كەزەڭ بويىنشا جوبالاۋ جۇمىستارى ءجۇرىپ جاتىر. ونىڭ ورىندالۋ مەرزىمى بيىل باستالىپ، 2023-جىلعا دەيىن سوزىلادى. سول سياقتى ول رەسپۋبليكالىق جانە جەرگىلىكتى بيۋجەت ەسەبىنەن قارجىلاندىرىلادى. ودان بولەك، گاز تارتۋ جۇمىسىنا جەكە ينۆەستورلاردى دا تارتۋ قارالىپ جاتىر. قازىرگى ۋاقىتتا 1- ءشى، 2- ءشى، 3- ءشى، 4- ءشى جانە 7- ءشى گاز كەشەندەرىن ىسكە قوسۋ جۇمىستارى اياقتالدى»، - دەدى تولەگەن قۇلۇشيەۆ ەلوردا ءماسليحاتىنىڭ تۇراقتى كوميسسيا وتىرىسىندا جاساعان بايانداماسىندا.
ونىڭ ايتۋىنشا، بۇگىندە ەلوردا ىرگەسىندەگى «جەلەزنودوروجنىي»، «كوكتال-1»، «كوكتال-2» تۇرعىن ءۇي الاپتارى مەن اگروقالاشىق شاعىن اۋدانىنىڭ ءبىر بولىگى كوگىلدىر وتىنعا قوسىلعان.
«حالىقتى گازبەن قامتۋ جۇمىسى كەزەڭ-كەزەڭ بويىنشا ءجۇرىپ جاتىر. سونداي-اق، وتكەن جىلى قالاداعى ج ە و-1 جانە ج ە و-2-دا گاز بەرىلدى. بيىل قاراشاعا دەيىن 5- ءشى، 8- ءشى جانە 9-شى گاز كەشەندەرى ىسكە قوسىلادى.
سول سياقتى 2020-جىلدان باستاپ ج ە و-2 دە ءبىر قازاندىق، ج ە و-1 دە ءۇش قازاندىق گازبەن قامتاماسىز ەتىلسە، بيىل ج ە و-2 دە بەس قازاندىق، ج ە و-1 دە ءتورت قازاندىق گازعا كوشىرىلەدى.
ودان بولەك، قالا بويىنشا 19 الەۋمەتتىك نىساندى گازعا كوشىرۋ جۇمىسى جۇرگىزىلۋدە. ەلوردا مەن ونىڭ ىرگەسىندەگى تۇرعىن ءۇي الاپتارىن گازداندىرۋ قالادان شىعاتىن قالدىقتاردىڭ كولەمىن 40 مىڭ تونناعا دەيىن ازايتۋعا مۇمكىندىك بەرەدى. سونىمەن قاتار بۇگىندە جۇرتتىڭ كوپشىلىگى گاز باللوندارىن پايدالانىپ وتىر، وسى ورايدا تابيعي گاز ورىن الۋى مۇمكىن توتەنشە جاعدايلاردىڭ تۋىنداۋ تاۋەكەلىن بارىنشا ازايتادى»، - دەيدى ول.