دەمالىس كۇندەرى 40 گرادۋس ىستىق بولادى

None
None
نۇر-سۇلتان. قازاقپارات - تامىز ايىنىڭ باسىنان باستاپ، يراننىڭ اۋداندارىنان ەلدىڭ باتىس جارتىسىنا جىلى جانە قۇرعاق اۋا ماسسالارى كەلە باستايدى، دەپ حابارلادى «قازگيدرومەت» ر م ك.

سونىڭ سالدارىنان اۋا تەمپەراتۋراسى 33-38-گە دەيىن، كەي جەردە 43 گرادۋس ىستىققا دەيىن كوتەرىلەدى.

الايدا، رەسپۋبليكانىڭ قالعان اۋماعى اتموسفەرالىق فرونتالدى بولىكتەردىڭ اسەرىندە بولادى. بۇل وڭىرلەردە جاڭبىر جاۋادى.

31-شىلدەدە وڭتۇستىك- شىعىستا نايزاعاي ويناپ، بۇرشاق جاۋۋى مۇمكىن. ەلىمىزدىڭ كەي جەرىندە جەل 15-20 م/س كۇشەيەدى، وڭتۇستىك جانە وڭتۇستىك- شىعىستا ەكپىنى 25 م/س، شاڭدى داۋىل بولادى.

اۋا تەمپەراتۋراسى كۇندىز سولتۇستىكتە، ورتالىقتا جانە شىعىستا 27-36 گرادۋسقا دەيىن كوتەرىلەدى، وڭتۇستىكتە 35-40 گرادۋس ىستىق بولادى.

سوڭعى جاڭالىقتار