ەڭبەك ونىمدىلىگىن ارتتىرۋ شىعىنىنىڭ %40 ىن مەملەكەت وتەيدى
«QazIndustry» قازاقستاندىق يندۋستريا جانە ەكسپورت ورتالىعى» ا ق باسقارما ءتوراعاسى بەرىك بەكەنوۆ وسىلاي ايتتى، دەپ حابارلايدى قازاقپارات ءتىلشىسى.
«بۇگىنگى تاڭدا QazIndustry ۇسىناتىن ەڭبەك ونىمدىلىگىن ارتتىرۋ جانە تاۋارلاردى، جۇمىستار مەن قىزمەتتەردى ىشكى نارىقتا ىلگەرىلەتۋ بويىنشا مەملەكەتتىك ىنتالاندىرۋ شارالارىن بيزنەستىڭ بارلىق ساناتتارى دا الا الادى. ياعني شاعىن، ورتا جانە ءىرى دەپ بولەكتەمەيمىز. كاسىپورىندار اتالعان ماقساتتارعا جۇمساعان شىعىننىڭ %40 نا دەيىن وتەيمىز. مىسال كەلتىرسەك،«AlumConstruction» ج ش س اينەكتى قايتا وڭدەۋ كولەمىن 2 ەسەگە ارتتىرعانى ءۇشىن وسىنداي وتەم تولەندى»، - دەدى QazIndustry باسشىسى ورتالىق كوممۋنيكاتسيالار قىزمەتىندە وتكەن بريفينگىدە.
سونداي- اق، «Karlskrona LC AB» ج ش س- نە شەتەلدىك ماماندى تارتۋ شىعىندارىنىڭ ءبىر بولىگى تولەنگەن. سونىڭ ارقاسىندا وندىرىستىك پروتسەستەرى وڭتايلاندىرىلىپ، جاڭا سورعى جابدىقتارىنىڭ جەلىسى يگەرىلگەن.
«بۇدان بىلاي وتاندىق وندىرۋشىلەردە ەلدىڭ كەز كەلگەن نۇكتەسىنەن شىعىنداردى وتەۋ تۋرالى ەلەكتروندىق ءوتىنىم بەرۋ مۇمكىندىگى بار. بۇرىن ولار قاعاز جۇزىندە جىبەرۋگە جانە سايكەسىنشە پوشتا شىعىندارىن تولەۋگە ءماجبۇر بولدى. سونىمەن قاتار، QazIndustry ۇسىنعان قولداۋ شارالارى مەملەكەتتىك قىزمەتتەر ساناتىنا اۋىستىرىلدى. بۇگىنگى كۇنى كاسىپورىندار eGov ەلەكتروندىق ۇكىمەت پورتالى ارقىلى ءوتىنىم بەرە الادى»، - دەپ تولىقتىردى بەرىك بەكەنوۆ.
كومپانيا وكىلى 2021 -جىلدىڭ ءبىرىنشى توقسانىندا QazIndustry مەكەمەسىنە ەڭبەك ونىمدىلىگىن ارتتىرۋ بويىنشا شىعىنداردىڭ ءبىر بولىگىن وتەۋگە 104 ءوتىنىم كەلىپ تۇسكەنىن ايتادى. ازىرگە سونىڭ 16سى ماقۇلدانىپ، جالپى سوماسى 92,4 ميلليون تەڭگەگە شىعىندار وتەلگەن. قۇجات قابىلداۋ ءالى جالعاسىپ جاتىر.