كوكشەتاۋدا 40 ميلليون تەڭگە سالىنعان سەيفتى ۇرلاعاندار ۇستالدى

None
None
كوكشەتاۋ. قازاقپارات - كوكشەتاۋ قالاسى تۇرعىنىنىڭ 40 ميلليون تەڭگەسى بار سەيفىن ۇرلاعان قىلمىستىق توپ ۇستالدى، دەپ حابارلايدى قازاقپارات ءتىلشىسى.

پوليتسيا دەپارتامەنتى حابارلاعانداي، بيىلعى جىلعى 22- قاڭتاردا كوكشەتاۋلىق تۇرعىن پوليتسياعا ارىزدانعان. ونىڭ پاتەرىنە بەلگىسىز بىرەۋلەر كىلتتى تاڭداۋ ارقىلى كىرىپ، 40 ميلليون تەڭگە سالىنعان سەيفىن الىپ كەتكەن.

«جەدەل ءىس-شارالار بارىسىندا بۇرىن سوتتالعاندار اراسىندا كۇدىكتى ادامدار انىقتالدى. 31- قاڭتاردا كۇدىكتىلەر ۇستالدى. ءۇش ادامنان تۇراتىن قىلمىستىق توپتا بۇرىن سوتتالعان كوكشەتاۋ قالاسىنىڭ ەكى ادام، سونداي-اق، كورشى وبلىستىڭ ءبىر تۇرعىنى بار. كۇدىكتىلەردەن زاتتاي ايعاقتار رەتىندە 10 ميلليون تەڭگە سوماسىندا اقشا الىندى. ۇرلانعان اقشانىڭ قالعان سوماسىن انىقتاۋ بويىنشا ودان ءارى جەدەل تەرگەۋ ءىس-شارالارى جۇرگىزىلۋدە. سونىمەن بىرگە، كۇدىكتىلەردىڭ وسىعان ۇقساس وزگە دە قىلمىستارعا قاتىسى بار-جوعى تەكسەرىلىپ جاتىر»، - دەدى ۆەدومستۆودان.

قازىرگى كەزدە وسى قىلمىسقا بايلانىستى قىلمىستىق كودەكستىڭ 188-بابىنىڭ 4-بولىگى «ۇرلىق» بويىنشا سوتقا دەيىنگى ءىس قوزعالىپ، تەرگەۋ امالدارى جۇرگىزىلۋدە.


سوڭعى جاڭالىقتار