ماسكەۋدەگى شەرۋ كەزىندە 40-تان استام پوليتسيا قىزمەتكەرى جارالاندى

ماسكەۋ. تاسس- قازاقپارات - ماسكەۋ ورتالىعىندا سانكسيالانباعان ميتينگ كەزىندە 40-تان استام پوليتسيا قىزمەتكەرى جارالاندى، دەپ حابارلايدى «قازاقپارات» ح ا ا تاسس اگەنتتىگىنە سىلتەمە جاساپ.

قۇقىق قورعاۋ ورگاندارى قىزمەتكەرلەرى شەرۋشىلەردىڭ ءبىر بولىگىن «ترۋبنايا پلوشاد» الاڭىنان ىعىستىرىپ شىعاردى. قازىرگى كەزدە ماسكەۋدىڭ بىرنەشە ورتالىق كوشەسىندە ومون قىزمەتكەرلەرىمەن شاعىن قاقتىعىستار بولىپ جاتىر. ولار جينالعان توپتى تاراتۋعا تالپىنىپ جاتىر. تەرگەۋشىلەر و م و ن جانە پوليتسيا قىزمەتكەرلەرىنە كۇش قولدانۋ فاكتىلەرى بويىنشا تەرگەۋالدى تەكسەرۋ جۇمىستارىن باستاپ كەتتى.

ماسكەۋ بويىنشا ت ك ب ت ب (گ س ۋ س ك) ماماندارى قۇقىق قورعاۋ ورگاندارى قىزمەتكەرلەرىنە كۇش قولدانۋ دەرەكتەرى بويىنشا ءبىرقاتار تەرگەۋالدى تەكسەرۋ جۇمىستارىن جۇرگىزۋدە. وسى شارا اياسىندا بارلىق زاڭ بۇزۋشىلىقتار انىقتالىپ، ونى جاساعان ادامداردىڭ ارەكەتىنە باعا بەرىلەدى» دەدى تەرگەۋ كوميتەتىنىڭ ماسكەۋ بويىنشا باس تەرگەۋ باسقارماسىنىڭ وكىلى يۋليا يۆانوۆا.

«پۋشكين الاڭىنا 4 مىڭداي ادام سانكسيالانباعان ميتينگىگە شىقتى» دەپ مالىمدەگەن پوليتسيادان.