جاڭا تەحنولوگيانىڭ ارقاسىندا ەلوردادا جول-كولىك وقيعاسى 40 پايىزعا ازايدى
«وزدەرىڭىز بىلەتىندەي، 2017 -جىلى ەلوردادا «سەرگەك» باعدارلاماسىن ىسكە قوسقان بولاتىنبىز. وسى جىلدىڭ 10 ايىنداعى كورسەتكىش پەن وتكەن جىلدىڭ 10 ايىنىڭ كورسەتكىشىن سالىستىرعاندا ەلوردادا جول-كولىك وقيعالارىنىڭ سانى 40 پايىزعا ازايدى. جول اپاتى سالدارىنان جاراقاتتانۋ دەڭگەيى 50 پايىزعا تومەندەدى»، - دەدى نۇر-سۇلتان قالاسىنىڭ سيفرلاندىرۋ جانە مەملەكەتتىك قىزمەت باسقارماسىنىڭ ءبولىم باسشىسى دانيال ايتكەنوۆ ونلاين بريفينگ بارىسىندا.
ونىڭ ايتۋىنشا، جول- كولىك وقيعالارىمەن بىرگە «سەرگەك» كامەرالارىنىڭ ارقاسىندا قوعامدىق ورىنداردا تىركەلەتىن قىلمىستاردىڭ سانى 44 پايىزعا كەمىگەن.
ەسكە سالا كەتسەك، بۇعان دەيىن سىبايلاس جەمقورلىققا قارسى كۇرەس ماسەلەلەرى جونىندەگى كەڭەستە ءسوز سويلەگەن ق ر پرەزيدەنتى قاسىم-جومارت توقايەۆ «سەرگەك» سۇعاناق جول پوليتسەيلەرىن جەمقورلىق تابىستارىنان قاققانىن ءمالىم ەتكەن ەدى.
اۆتور: ايان بەكەن ۇلى