گەرمانيا كوروناۆيرۋسقا قارسى ۆاكسينانىڭ 40 ميلليون داناسىنا تاپسىرىس بەردى
دەرەككوز مالىمەتىنشە، ماينس جانە تيۋبينگەن قالالارىنداعى كاسىپورىندار ەكى ءتۇرلى ۆاكسينا شىعارعان. ولاردىڭ بىرەۋى كلينيكالىق سىناقتان ءوتىپ جاتىر. ول ءساتتى اياقتالسا، بۇل ۆاكسينامەن ەڭ الدىمەن گەرمانيا قامتىلادى دەيدى.
ۇكىمەت COVID-19 دەرتىنە قارسى ۆاكسينانى شىعارۋعا 750 ميلليون ەۋرو بولگەن بولاتىن. حالىق اسىعا كۇتكەن بۇل ءدارى قاشان شىعاتىنى ءالى بەلگىسىز. گەرمانيا دەنساۋلىق ساقتاۋ ءمينيسترىنىڭ بولجامىنشا، ۆاكسينانى كەلەسى جىلدىڭ باسىندا كەڭىنەن قولدانا باستايدى.
«اركىمنىڭ ەركى ءبىلسىن. قالاسا، جاسايدى، قالاماسا، زورلىق جوق. ءبىراق ءبىز كوزدەگەن ماقساتىمىزعا جەتەمىز دەپ ويلايمىن. گەرمانيا تۇرعىندارىنىڭ كوبىسى ەكپە ەكتىرۋگە قارسى ەمەس. ءبىزدىڭ ەسەبىمىزشە ۇجىمدىق يممۋنيتەتكە جەتۋ ءۇشىن حالىقتىڭ 55-60 پايىزىنا ەكپە جاساۋ قاجەت. مەن بىلسەم، ازاماتتار بەلسەندىلىگى سول مەجەگە اپارادى»، - دەدى گەرمانيانىڭ دەنساۋلىق ساقتاۋ ءمينيسترى.