+7 (701) 759 90 19
22 °С : نۇر-سۇلتان
31 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

ماڭعىستاۋدا جازاسىن وتەۋشىلەر 40 مىڭ دانا ۆيرۋستان قورعانىش كوستيۋمىن تىكتى

14 شىلدە 20:02
:ءبولىسۋ
ماڭعىستاۋدا جازاسىن وتەۋشىلەر 40 مىڭ دانا ۆيرۋستان قورعانىش كوستيۋمىن تىكتى

اقتاۋ. قازاقپارات - ماڭعىستاۋدا 32 جازاسىن وتەۋشى 40 مىڭ دانا ۆيرۋستان قورعايتىن كوستيۋم تىككەن.

بۇل تۋرالى ق ر ءى ءى م قىلمىستىق-اتقارۋ جۇيەسى كوميتەتى ماڭعىستاۋ وبلىسى بويىنشا دەپارتامەنتىنىڭ باسپا ءسوز حاتشىسى رومان تەلەنكوۆ ءمالىم ەتتى، دەپ حابارلايدى قازاقپارات ءتىلشىسى.

قورعانىش كوستيۋمدەردى تىگۋمەن 32 جازاسىن وتەۋشى اينالىسادى. وسى ماقساتتا گ م 172/6 تۇزەۋ مەكەمەسىندە شاعىن سەح قۇرىلعان. قولدان پىشىلگەن كوستيۋمدەردىڭ ساپاسى سانيتارلىق تالاپتارعا سايكەس.

«ۆيرۋستىق ينفەكتسيادان قورعانۋ كوستيۋمدەرىن قاۋىپسىزدىگى بارىنشا جوعارى تۇزەۋ مەكەمەسىندە جازاسىن وتەۋشىلەر ماڭعىستاۋ وڭىرىندە كارانتين رەجيمى جاريالانعانعا دەيىن تىگە باستاعان بولاتىن. بۇگىندە 32 سوتتالۋشى جۇمىس كەستەسىنە ساي تاۋلىگىنە بىرنەشە كوستيۋم ءپىشىپ شىعارۋدا. ولار زاڭ جۇزىندە تۇراقتى قىزمەتكە تارتىلعان. ەڭبەگى ءۇشىن ايىنا 42500 تەڭگە كولەمىندە جالاقى الادى»، - دەيدى رومان تەلەنكوۆ.

اقتاۋدا شىعارىلعان بۇل كيىمدەر ءبىرىنشى كەزەكتە جەرگىلىكتى دەنساۋلىق ساقتاۋ مەكەمەلەرىنىڭ قىزمەتكەرلەرى ءۇشىن جەكە قورعانىش قۇرالى ەسەبىندە ساتىپ الىنۋدا. ءبىر كوستيۋمنىڭ نارىقتاعى قۇنى 1500 تەڭگەگە باعالانعان. سونداي- اق وبلىستاعى باسقا دا كاسىپورىنداردان الگى كوستيۋمدەرگە كوپتەپ تاپسىرىس ءتۇسىپ جاتقان كورىنەدى. باستىسى، تەمىر توردىڭ ارتىندا وتىرعاندار جۇمىس ىستەپ، سۇرانىسى جوعارى ءونىم شىعارۋدا.

ولار كوروناۆيرۋسپەن كۇرەسكە ءوز ۇلەسىن وسىلايشا قوسىپ ءجۇر.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات