مۇناي باررەلىنىڭ قۇنى 40 دوللاردان استى
نۇر- سۇلتان ۋاقىتىمەن ساعات 07.30-داعى جاعداي بويىنشا Brent ماركالى سولتۇستىك تەڭىز مۇناي قوسپاسىنا تامىز فيۋچەرستەرىنىڭ باعاسى 5,324 پايىزعا، ياعني باررەلىنە 40,36 دوللارعا دەيىن ءوستى. WTI ماركالى مۇنايعا شىلدەدەگى فيۋچەرستەردىڭ باعاسى باررەلىنە 6,85 پايىزعا، ياعني 37,87 دوللارعا دەيىن كوبەيدى.
ەسكە سالا كەتەيىك، ناۋرىز ايىندا وپەك+ ەلدەرى مۇناي ءوندىرۋدى قىسقارتۋ تۋرالى كەلىسىمنىڭ پارامەترلەرىن وزگەرتۋ تۋرالى دا، ونى ۇزارتۋ تۋرالى دا ءبىر كەلىسىمگە كەلە الماعان بولاتىن. ناتيجەسىندە 1 - ساۋىردەن باستاپ بۇرىنعى اليانسقا قاتىسۋشى ەلدەردە مۇناي وندىرۋگە دەگەن شەكتەۋ الىنىپ تاستالدى.
ال كەشە قازاقستان قور بيرجاسىندا وتكەن ساۋدادا ءتول اقشامىزدىڭ دوللارعا شاققانداعى قۇنى 400 تەڭگەگە جەتتى. ا ق ش اقشاسىنىڭ ارزانداۋىن ساراپشىلار سالىق تولەيتىن اپتانىڭ باستالۋىمەن بايلانىستىرعان ەدى. ءبىراق بۇل ناۋقان 25 - مامىردا اياقتالدى. ال تەڭگە ءالى دە نىعايىپ كەلەدى.
ۇلتتىق بانك بەلگىلەگەن رەسمي باعام بويىنشا ا ق ش- تىڭ ءبىر دوللارى 402 تەڭگە 37 تيىنعا تەڭ. ال ەۋرو 449 تەڭگە 81 تيىن. رەسەي رۋبلى 5 تەڭگە 86 تيىن دەپ بەلگىلەنگەن.