ۋكراينانىڭ جوعارى وقۋ ورىندارىنا 40 گرانت ۇسىنىلدى

نۇر- سۇلتان. قازاقپارات - «حالىقارالىق باعدارلامالار ورتالىعى» ا ق ۋكراينانىڭ جوعارى وقۋ ورىندارىندا باكالاۆريات جانە ماگيستراتۋرا باعدارلامالارى بويىنشا 40 گرانت ۇسىنادى، دەپ حابارلايدى قازاقپارات.

باكالاۆريات جانە ماگيستراتۋرا باعدارلامالارى بويىنشا ۋكراينا ۇكىمەتارالىق گرانتتارىنا قۇجات قابىلداۋ ۋاقىتى 2020 -جىلعى 5 - اقپانعا دەيىن سوزدىرىلدى.

«حالىقارالىق باعدارلامالار ورتالىعى» ا ق قازاقستان رەسپۋبليكاسى ءبىلىم جانە عىلىم مينيسترلىگى مەن ۋكراينانىڭ ءبىلىم جانە عىلىم مينيسترلىگىمەن كەلىسىم شەڭبەرىندە ۋكراينانىڭ جوعارى وقۋ ورىندارىندا باكالاۆريات جانە ماگيستراتۋرا باعدارلامالارى بويىنشا وقۋعا كونكۋرس جاريالايدى» ، دەلىنگەن حابارلامادا.

قازاقستان ازاماتتارىنا 40 گرانت ۇسىنىلادى. 30 ى «باكالاۆر» وقۋ دارەجەسى بويىنشا، 10 ى «ماگيستر» وقۋ دارەجەسى بويىنشا.

جوعارى وقۋ ورىندارى مەن ماماندىقتار ءتىزىمىن مىنا سىلتەمەدەن كورۋگە بولادى.

وقۋ ۋكراين تىلىندە جۇرگىزىلەدى. گرانت بويىنشا وقۋ تەگىن، جاتاقحانادان ورىن بەرىلەدى، اي سايىن ستيپەنديا تولەنەدى، ۋكراين تىلىندە كۋرس وقىتىلادى.