+7 (701) 759 90 19
-2 °С : نۇر-سۇلتان
4 °С : الماتى
USD 381.10 EUR 420.81
RUB 5.65 CNY 54.57
جاڭالىقتار

ەلوردالىق 40 مينۋت سۋىق سۋدا وتىرىپ، ءوز رەكوردىن جاڭارتتى

20 قاڭتار 18:47
:ءبولىسۋ
ەلوردالىق 40 مينۋت سۋىق سۋدا وتىرىپ، ءوز رەكوردىن جاڭارتتى

نۇر- سۇلتان. قازاقپارات - قايىربەك اياشيەۆ بۇعان دەيىن دە ساقىلداعان سارى ايازدا كويلەكشەڭ ءجۇرىپ، جۇرتتى تالاي تاڭداي قاقتىرعان ەدى. بۇل جولى دا مامانداردىڭ ەسكەرتۋىنە قاراماي تاۋەكەل ەتىپ ەسىلگە ءتۇستى. ءسويتىپ، ويىقتا تاپجىلماستان 40 مينۋت وتىردى، دەپ حابارلايدى حابار 24.

ەلوردالىق قايىربەك اياشيەۆ سۋدا تاپجىلماي وتىرۋ بويىنشا جاڭا رەكورد جاساۋعا تاۋەكەل ەتتى.

«سۋدىڭ تەپەراتۋراسى 2-3 گرادۋس بولىپ تۇر. بۇنداي جاعدايدا ادام اعزاسى 10-15 مينۋتقا شىدايدى. ەگەر ودان اسىپ كەتسە ءولىم قاۋپىن تۋدىرۋى مۇمكىن»، - دەيدى فەلدشەر ادىلبەك جيەنبايەۆ.


كەيىپكەرىمىز دارىگەردىڭ دە، قۇتقارۋشىلاردىڭ دا ەسكەرتۋىنە ءمان بەرگەن جوق. ويتكەنى ول وتكەن جىلى ءدال وسىلاي 35 مينۋت بويى مۇزداي سۋدا وتىرىپ، ەلدە رەكورد ورناتقان. بيىل دا العان بەتىنەن قايتپادى.

«سۋدان شىققان كەزدە ونى بىردەن جىلى جەرگە كىرگىزۋگە بولمايدى. ارتى قايعىلى جاعدايعا ۇلاسۋى مۇمكىن. سوندىقتان سالقىنداۋ جەردە 5-10 مينۋتتاي ۇستاۋ قاجەت. ارتىنان كىشكەنە شاي بەرىپ، بىرتىندەپ بويىن جىلىتا باستايمىز»، - دەيدى جەرگىلىكتى تۇرعىن ەركىن ءالىمجانوۆ.


اقىرى قايىربەك اياشيەۆ سۋدا 40 مينۋت بويى تاپجىلماستان وتىرىپ، جاڭا رەكورد تىركەدى. وكىنىشكە وراي، ونىمەن تىلدەسۋدىڭ ءساتى تۇسپەدى. ارنايى ماماندار بىردەن دەنساۋلىعىن تەكسەرۋگە الىپ كەتتى. قالاي بولعاندا دا وسىنشا ۇزاق سۋدا وتىرۋ دەنساۋلىققا قاۋىپتى سانالادى. ءتىپتى كاسىپقوي مورجداردىڭ ءوزى 5 مينۋتتان ارتىق سۋعا شومىلمايدى.


«ارنايى دايىندىقسىز قىستىڭ قاق ورتاسىندا سۋعا تۇسە سالۋعا بولمايدى. مۇنىڭ سوڭى ءسىڭىردىڭ تارتىلىپ، دەنەنىڭ جانسىزدانۋىنا اكەلۋى مۇمكىن. جۇرەككە دە ۇلكەن سالماق تۇسەدى. سوندىقتان كەمىندە 2-3 اپتالىق دايىندىق قاجەت. ال ءبىر رەت عانا ءتۇسۋدىڭ دەنساۋلىققا پايداسىنان گورى زيانى كوپ»، - دەدى قوعامدىق دەنساۋلىق ساقتاۋ ۇلتتىق ورتالىعى ديرەكتورىنىڭ ورىنباسارى رۋسلان ساتىبالديەۆ.



باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات