قازاقستاننىڭ 40 پايىز اۋماعى سەيسميكالىق قاۋىپتى ايماقتارعا جاتادى
شاراعا قازاقستان، رەسەي، بەلارۋس، ارمەنيا، قىرعىزستان، وزبەكستان جانە باسقا دا ت م د ەلدەرىنىڭ قۇرىلىس سالاسىنداعى بەيىندىك مينيسترلىك وكىلدەرى مەن ساراپشىلارى قاتىستى.
جيىن بارىسىندا «سەيسميكالىق اۋداندارداعى قۇرىلىس» ت م د ەلدەرى ءۇشىن ءبىرىڭعاي نورماتيۆتەردى ازىرلەۋ تاسىلدەرى تالقىلاندى. سونداي-اق ت م د ەلدەرىنىڭ سەيسميكاعا ءتوزىمدى قۇرىلىسى بويىنشا نورماتيۆتىك قۇجاتتاردىڭ ءبىرىڭعاي اقپاراتتىق بازاسىن قالىپتاستىرۋ مۇمكىندىگى قاراستىرىلدى.
سەيسميكاعا ءتوزىمدى قۇرىلىس سالاسىنداعى كۇشتەردى بىرىكتىرۋ جانە كادرلىق الەۋەتتى كوتەرۋ ماقساتىندا عىلىمي كەڭەس قۇرىلدى.
«جىل سايىن الەمدە سەيسميكالىق قاۋىپتى اۋدانداردىڭ سانى ۇلعايۋدا. قازىرگى ۋاقىتتا قازاقستاننىڭ %40 دان استام اۋماعى سەيسميكالىق قاۋىپتى ايماقتارعا جاتقىزىلادى. ءبىز ت م د ەلدەرىنىڭ سەيسميكاعا ءتوزىمدى قۇرىلىس سالاسىنداعى نورماتيۆتەردى ۇيلەستىرۋ شەشىمى تاريحي ماڭىزدى جانە اقتالعان دەپ سانايمىز. بىرلەسىپ كۇش سالۋدىڭ ارقاسىندا ءبىز ت ج بولجاۋعا جانە اپاتتى قيراۋدىڭ الدىن الۋعا كومەكتەسەتىن، سەيسميكاعا ءتوزىمدى قۇرىلىس سالاسىنداعى تاجىريبەنى ساقتاي وتىرىپ، ونى ارتتىرا الامىز»، - دەيدى قازاق قۇرىلىس جانە عىلىمي- زەرتتەۋ جانە جوبالاۋ ينستيتۋتىنىڭ («قاز ق س ع ز ي» ا ق) باس ديرەكتورى بەگمان كۋلبايەۆ.
سونداي-اق، ول 2019 -جىلدىڭ ماۋسىم ايىندا قازاق قۇرىلىس جانە عىلىمي- زەرتتەۋ جانە جوبالاۋ ينستيتۋتىنا ت م د ەلدەرىنىڭ سەيسميكاعا ءتوزىمدى قۇرىلىس سالاسىنداعى بازالىق ۇيىمى مارتەبەسى بەرىلگەنىن اتاپ ءوتتى.
ينستيتۋتتىڭ قۇرىلىس ماسەلەلەرىن، ونىڭ ىشىندە سەيسميكالىق بەلسەندىلىگى جوعارى ايماقتاردا شەشۋ سالاسىندا 88-جىلدىق تاجىريبەسى بار، سونداي-اق قۇرىلىس ماتەريالدارىنىڭ سىناۋلارىن جۇرگىزۋ ءۇشىن ەكسپەريمەنتالدىق بازاسى جۇمىس ىستەيدى.
قازىرگى ۋاقىتتا ت م د ەلدەرىندە ءار ءتۇرلى سالالاردا 82 بازالىق ۇيىم ارەكەت ەتەدى. ولاردىڭ ىشىندە: ەكونوميكالىق سالادا - 29؛ قاۋىپسىزدىكتى قامتاماسىز ەتۋ سالاسىندا - 20؛ گۋمانيتارلىق سالادا - 33.
اۆتور: الما مۇقانوۆا