+7 (701) 759 90 19
-14 °С : نۇر-سۇلتان
0 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

تۇركيا بوسقىنداردى اسىراپ- باعۋ ءۇشىن 40 ميلليارد دوللار جۇمساعان - ترامپ

14 قاراشا 20:33
:ءبولىسۋ
تۇركيا بوسقىنداردى اسىراپ- باعۋ ءۇشىن 40 ميلليارد دوللار جۇمساعان - ترامپ

نۇر-سۇلتان. قازاقپارات - تۇركيانىڭ رەسەيدەن С-400 جۇيەسىن ساتىپ الۋى انكارا مەن ۆاشينگتوننىڭ اراسىن سۋىتا ما؟ وسى جاعدايدى الدىن الا رەتتەپ العىسى كەلگەن رەجەپ تايىپ ەردوعان مەن دونالد ترامپ اق ۇيدە كەزدەستى، دەپ حابارلايدى «حابار 24».

ايتا كەتەيىك، ەردوعان ۆاشينگتوندا قازىر رەسمي ءىس- ساپارمەن ءجۇر. كەزدەسۋدىڭ العاشقى كۇنى تاراپتار ءۇش ساعات اڭگىمەلەسىپ، ىزىنشە باسپا ءسوز كونفەرەنسياسىن ۇيىمداستىردى. كەزدەسۋدەگى قيىندىقتارعا قاراماستان ترامپ كەلىسسوزدەردىڭ ءبىرىنشى كۇنىن جەمىستى ءوتتى دەپ باعالادى. سونداي- اق، تۇركيالىقتار امەريكالىق پەتريوتتى ساتىپ الۋ ءۇشىن كەلىسسوز جۇرگىزۋگە دايىن ەكەنىن جەتكىزدى. سيرياداعى وپەراتسيا مەن بوسقىندار ماسەلەسى دە ءسوز بولدى.

دونالد ترامپ، ا ق ش پرەزيدەنتى:

- شىنىندا بۇل قالىپتاسقان جاعدايعا بايلانىستى ايتارىم، ەۋروپا تۇركياعا قارجىلاي كومەك كورسەتۋ كەرەك. سەبەبى تۇركيادا 4 ميلليون بوسقىن بار. ولاردى اسىراپ- باعۋ ءۇشىن انكارا 40 ميلليارد دوللار جۇمساعان. بۇل سۇمدىق قوي. انكارا ءوز قاراجاتىن جۇمساپ، ەۋروپاعا ميگرانتتاردى جىبەرمەي وتىر.

رەجەپ تايىپ ەردوعان، تۇركيا پرەزيدەنتى:

- الدىمەن، ءبىز كۇردتەرگە قارسى ەمەس، لاڭكەستەرگە قارسى كۇرەسىپ جاتقانىمىزدى ايتا كەتەيىك. وڭىردە قازىر وق اتپاۋ كەلىسىمى ساقتالىپ تۇر. بۇل ا ق ش- پەن ورناتىلعان كەلىسىمنىڭ ارقاسى. قازىر 2,2 مىڭ تەرروريستتى قاماۋدا ۇستاپ وتىرمىز. ال سيريانىڭ سولتۇستىگىنەن 287 سودىردى ۇستادىق.

سونداي- اق، ترامپ ەكىجاقتى تاۋاراينالىمى جايلى دا ءسوز قوزعادى. اق ءۇي باسشىسى تۇركياعا قۇنى 100 ميلليارد دوللار بولاتىن كەلىسىمگە كەلۋدى ۇسىندى. ەردوعان ءوز كەزەگىندە كەلىسىم شارتتارى ەكى ەل ءۇشىن دە ءتيىمدى بولسا، قول قويۋعا قارسى ەمەس ەكەنىن جەتكىزدى.

www.24.kz


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات