+7 (701) 759 90 19
-5 °С : نۇر-سۇلتان
0 °С : الماتى
USD 388.07 EUR 427.54
RUB 6.08 CNY 55.36
جاڭالىقتار

پرەزيدەنت: قازاقستان جايىلىم جەرلەرىنىڭ 40 پايىزىن عانا كادەگە جاراتىپ وتىر

17 قىركۇيەك 17:46
:ءبولىسۋ
پرەزيدەنت: قازاقستان جايىلىم جەرلەرىنىڭ 40 پايىزىن عانا كادەگە جاراتىپ وتىر

پەتروپاۆل. قازاقپارات - قازاقستان پرەزيدەنتى قاسىم- جومارت توقايەۆ اۋىل شارۋاشىلىعى سالاسىنا زاماناۋي اگروتەحنولوگيالار مەن يننوۆاتسيالاردى بەلسەندى تۇردە ەنگىزۋ قاجەتتىگىن ءمالىم ەتتى، دەپ حابارلايدى قازاقپارات اقوردانىڭ تwitter پاراقشاسىنا سىلتەمە جاساپ.

جۇمىس ساپارىمەن سولتۇستىك قازاقستان ءوڭىرىن ارالاپ جۇرگەن پرەزيدەنت تىڭايتقىشتار مەن اۋىل شارۋاشىلىعىنا قاجەتتى حيميالىق ونىمدەردىڭ وتاندىق ءوندىرىسىن دامىتۋدى ماسەلە ەتىپ كوتەردى. پرەزيدەنتتىڭ ايتۋىنشا، بۇل جۇمىستى شەتەلدىك ينۆەستورلاردى تارتۋ ارقىلى جۇزەگە اسىرۋ كەرەك. مەملەكەت باسشىسى ءوز سوزىندە قازاقستان اۋماعىندا تىڭايتقىشتار مەن پەستيتسيدتەردى شىعاراتىن ليسەنزيالىق زاۋىت سالۋ ۇسىنىسىن كوتەرۋ كەرەكتىگىن اتاپ ءوتتى.

«اۋىل شارۋاشىلىعى جەرلەرى ءىشىنارا تۇگەندەلىپ، پايدالانىلماي جاتقان 16,5 ميلليون گا اۋماق انىقتالدى. ۇكىمەت بارلىق اۋىل شارۋاشىلىعى يگىلىگىندەنى جەرلەردى انىقتاپ، جەر كاداسترىنىڭ اقپاراتتىق جۇيەسىن سيفرلاندىرۋى كەرەك. سونىمەن قاتار، ءتۇرلى باعىتتاعى ەت كلاستەرلەرىن دامىتۋ قاجەت. اتاپ ايتقاندا، قوي شارۋاشىلىعىن، ءسۇت ءوندىرۋدى جانە قۇس شارۋاشىلىعىن وركەندەتۋگە ءتيىسپىز. ءسۇت ءونىمى مەن قۇس ەتىن ءوندىرۋدى ەكى ەسە ارتتىرساق، بۇگىن ءبىز يمپورتتاپ وتىرعان قوسىمشا 500 ميلليون دوللار ءونىمىن الۋعا بولادى» ، - دەپ جازدى پرەزيدەنت تۆيتتەردەگى پاراقشاسىندا.

پرەزيدەنتتىڭ پايىمداۋىنشا، مال شارۋاشىلىعىن دامىتۋ ماقساتىندا جايىلىم جەرلەردى كەڭەيتكەن ءجون.

«جايىلىم جەرلەرىنىڭ كەڭدىگى بويىنشا قازاقستان الەمدەگى بەس ەلدىڭ قاتارىنا كىرە تۇرا ونىڭ 40 پايىزىن عانا پايداعا جاراتىپ وتىر. فەرمەرلەر ءۇشىن مۇنداي جەرلەردى بەرۋ مەحانيزمىن جەتىلدىرىپ، جەڭىلدەتۋ كەرەك» ، - دەدى مەملەكەت باسشىسى.

مەملەكەت باسشىسى ءوز پاراقشاسىندا سىرت جايىلىمداردى يگەرۋ ماسەلەسىن كوتەردى.

«جەكە شارۋالار ءۇشىن قۇدىق نەمەسە ۇڭعىما قازىپ كومەكتەسۋ كەرەك. ۇكىمەت پەن اكىمدەر الداعى 10 جىلدا قوسىمشا 50 ميلليون گا جايىلىمدى اينالىمعا ەنگىزۋى كەرەك» ، - دەدى ول.

ەسكە سالا كەتسەك، مەملەكەت باسشىسى قاسىم- جومارت توقايەۆ جۇمىس ساپارىمەن سولتۇستىك قازاقستان وبلىسىن ارالاپ ءجۇر . مەملەكەت باسشىسى وبلىستىڭ ءبىرقاتار اۋىل شارۋاشىلىعى مەن يندۋستريالىق نىساندارىن ارالايدى. سونداي- اق، اگروونەركاسىپ كەشەنىن دامىتۋ ماسەلەلەرى جونىندە رەسپۋبليكالىق كەڭەس وتكىزەدى دەپ جوسپارلانعان.



باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات