+7 (701) 759 90 19
-20 °С : نۇر-سۇلتان
-9 °С : الماتى
USD 386.44 EUR 428.37
RUB 6.06 CNY 54.93
جاڭالىقتار

قازاق-قىتاي بىرلەسكەن جوباسىنا 40 مىڭ گەكتار جەر بولمەك

23 مامىر 13:47
:ءبولىسۋ
 قازاق-قىتاي بىرلەسكەن جوباسىنا 40 مىڭ گەكتار جەر بولمەك

نۇر-سۇلتان قازاقپارات - ش ق و-دا تاعى ءبىر قۇس فابريكاسى سالىنۋى مۇمكىن، دەپ حابارلايدى التاينيۋس ءتىلشىسى.

بۇل تۋرالى بۇگىن وبلىسىمىزعا رەسمي ساپارمەن كەلگەن شىڭجان ۇيعىر اۆتونومياسى، حالىق ۇكىمەتى ءتوراعاسىنىڭ ورىنباسارى جاۋ چۋنجيۋمەن كەزدەسۋدە ايماق باسشىسى دانيال احمەتوۆ ءمالىم ەتتى.

ايتا كەتەيىك، شىعىس قازاقستانعا ساپارى بارىسىندا چۋنجيۋ مىرزا باستاعان قىتايلىق دەلەگاتسيا د. سەرىكبايەۆ اتىنداعى ش ق م ت ۋ- دا، سونىمەن قاتار ءۇلبى مەتاللۋرگيالىق زاۋىتىندا بولىپ، ونداعى جۇمىسپەن تانىسىپ قايتقان. شەتەلدىك قوناقتار وبلىسىمىزعا ساپارىنىڭ باستى ماقساتى ءبىرقاتار سالاداعى بىرلەسكەن جوبالاردى جۇزەگە اسىرۋ جاعىن تالقىلاۋ بولعانىن ايتتى.

اسىرەسە اۋىل شارۋاشىلىعى سالاسى قىزىقتىراتىنىن جاسىرمادى. ايماق باسشىسى دانيال احمەتوۆ تە شىعىس قازاقستان وبلىسى ءۇشىن بۇل اگروسەكتوردەگى ارىپتەستىك اسا ماڭىزدى ەكەنىن جەتكىزىپ، قوناقتار نازارىنا بىرنەشە جوبانى ۇسىندى.

- وبلىسىمىزدا جاڭا قۇس فابريكاسىن سالۋدى جوسپارلاۋدامىز. بۇل - اۋقىمدى جوبا. اتالمىش ماقساتقا 40 مىڭ گەكتار جەر بولەمىز. تاعى 300 گەكتارعا جۋىق تەلىمدە فابريكانىڭ نەگىزگى بازاسى ورنالاساتىن بولادى. جوسپار بويىنشا كاسىپورىن جىلىنا 30 مىڭ توننا قۇس ەتىن ءوندىرۋى ءتيىس. مىنە، وسى ءبىر جوبانى جۇزەگە اسىرۋعا سىزدەر دە اتسالىسساڭىزدار دەگەن تىلەگىمىز بار. جالپى، ءبىزدىڭ وبلىستا اۋىل شارۋاشىلىعى سالاسىندا جەمىستى ەڭبەك ەتىپ جاتقان بىرنەشە بىرلەسكەن قازاق- قىتاي كاسىپورىنى بار.

ماسەلەن، كوكپەكتى اۋدانىندا قۇرىلعان ءدال وسىنداي كومپانيانىڭ ءبىرى بۇگىندە قىتاي ەلىنە بالىق ونىمدەرىن ەكسپورتتاۋمەن اينالىسۋدا. سول سياقتى بەسقاراعاي، ءۇرجار اۋداندارىندا دا بىرلەسكەن كاسىپورىندارىمىز ناتيجەلى جۇمىس جۇرگىزۋدە. ءبىز، سونىمەن قاتار قىتايعا ەت ونىمدەرىن ەكسپورتتاۋعا مۇددەلىمىز. بۇعان الەۋەتىمىز دە، مۇمكىندىگىمىز دە جەتەدى، - دەگەن وبلىس اكىمى ءۇرىمجى مەن شاۋەشەك قالالارى ارالىعىندا سالىنعان جاڭا تەمىرجول ەكى ەل ايماق اراسىنداعى بايلانىستى بۇدان سايىن بەكىتە تۇسەتىنىنە سەنىم ءبىلدىردى.

ءوز كەزەگىندە شەتەلدىك دەلەگاتسيانى باستاپ كەلگەن چاو چۋنجيۋ مىرزا ايماق باسشىسىنا شاقىرتۋى ءۇشىن العىس ايتىپ، شىڭجان ۇيعىر اۆتونومياسى ءۇشىن شىعىس قازاقستان وبلىسى نەگىزگى ستراتەگيالىق ارىپتەستەردىڭ ءبىرى ەكەنىن جەتكىزدى.

- ءبىز دە ارىپتەستىگىمىز باياندى بولعانىن قالايمىز. جانە وسى باعىتتا جۇمىس جۇرگىزۋگە ءازىرمىز. بۇگىندە شىعىس قازاقستاندا ەكى ءوڭىردىڭ كاسىپكەرلەرى قۇرعان 12 بىرلەسكەن كومپانيا بار ەكەن. سىزدەردىڭ وبلىستارىڭىزدا وندىرىلەتىن اۋىلشارۋاشىلىق ونىمدەرى جوعارى ساپاعا يە ەكەنىن دە بىلەمىن. اسىرەسە، بيداي، ۇن مەن مايلى داقىلدارىڭىزدى ماقتايدى.

ءبىز شىعىس قازاقستان وبلىسىنان وسى سياقتى ونىمدەردى كوبىرەك العىمىز كەلەدى. تۋريزم سالاسىن دا دامىتۋعا نيەتتىمىز. وتكەن جىلدىڭ قاراشا ايىندا ءۇرىمجى قالاسىندا كەزدەسىپ، ەكىجاقتى كەلىسسوزدەر جۇرگىزگەن بولاتىنبىز. ەندى سول باسقوسۋدا قول جەتكىزگەن ۋاعدالاستىقتارىمىزدى ءىس جۇزىندە ورىنداۋعا دايارمىز، - دەدى چاو چۋنجيۋ مىرزا.

كەزدەسۋ بارىسىندا ەكى ءوڭىردىڭ ءبىلىم، عىلىم، دەنساۋلىق ساقتاۋ جانە مادەنيەت سالالارىنداعى ارىپتەستىگى دە ءسوز بولدى. كەلىسسوزدەر قورىتىندىسى بويىنشا تاراپتار ءبىرقاتار ەكىجاقتى حاتتاماعا قول قويدى.


باستى سوزدەر: الةم, ئقپالداستئق,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات