قاراعاندى وبلىسىندا 40 تان استام مارال ەركىندىككە جىبەرىلدى

None
None
 قاراعاندى. قازاقپارات - ورتالىق قازاقستانداعى جابايى مارالدار سانى ارتتى. «بۇيراتاۋ» مەملەكەتتىك- ۇلتتىق تابيعي پاركىنىڭ كەشەندى جۇمىستارىنىڭ ارقاسىندا قاتارى سيرەپ كەتكەن دالا جانۋارىنىڭ پوپۋلياتسياسى قايتا جاندانىپ كەلەدى، دەيدى قازاقپارات ءتىلشىسى.

ءبىر عاسىرعا جۋىق ۋاقىت بۇرىن جويىلىپ كەتكەن جابايى مارال، سارىارقا جەرىندە قايتا مەكەندەي باستادى. ​ بۇل وساكاروۆ اۋدانىنا قاراستى «بۇيراتاۋ» مەملەكەتتىك- ۇلتتىق تابيعي پاركىنىڭ 17 جىلدان بەرى جۇزەگە اسىرىپ كەلە جاتقان كەشەندى جۇمىسىنىڭ ناتيجەسى.

اتالمىش قورىقتىڭ اۋماعى 400 گەكتاردان اسادى. وسى جەردە ۇلتتىق پارك قىزمەتكەرلەرى جابايى مارالداردىڭ سانىن كوبەيتىپ، جۋىردا 40 جانۋاردى ەركىندىككەجىبەردى.

ايتا كەتۋ كەرەك، 2002 -جىلدان بەرى سيرەك كەزدەسەتىن بۇل جانۋارلار توبىن ماماندار وسىمەن جەتىنشى مارتە تابيعاتقا جىبەرىپ وتىر. جىل سايىن قورىقتان 50 گە جۋىق جانۋار جىبەرىلىپ وتىرادى. قازىرگى تاڭدا مامانداردىڭ ايتۋىنشا، ورتالىق قازاقستان اۋماعىندا 200 دەن استام مارال مەكەندەيدى.

«بوستاندىققا جىبەرىلگەن جانۋارلار كۇزگە دەيىن وسى قورشاۋ ماڭىندا جۇرەدى. سەبەبى جەم- شوپكە ۇيرەنىپ قالعان. كەيىن قىسقا قاراي دالاعا كەتە باستايدى. بۇرىن ورتالىق قازاقستاندا مارالداردىڭ سانى كوپ بولعان، كەيىن براكونەرلەردىڭ كەسىرىنەن، ادامي فاكتوردان جويلىپ كەتكەن» ، - دەيدى «بۇيراتاۋ» م ۇ ت پ ءبولىم باسشىسى قاھارمان قابدىلمۇرات.

بۇل جانۋارلار​ەرتەرەكتە ​ قاراعاندى وبلىسىندا كوپتەپ كەزدەسەتىن، دەيدى ماماندار.

ҚараÒ

الدىڭعى لەگى سوعىس پەن اشارشىلىق جىلدارى قىرىلعان بولسا، قالعان مارالداردى براكونەرلەر قۇتقان.

 ال بۇگىنگى كۇندەرى «بۇيراتاۋ» مەملەكەتتىك پاركىنە مارالدار قارقارالى، كوكشەتاۋ، قاتون- قاراعايدان اكەلىنگەن. ولاردىڭ ءبىر توبى ەركىندىككە جىبەرىلسە، ءبىر توبى قورىقتا قالدى. ​

ۇلتتىق پارك ماماندارىنىڭ ايتۋىنشا، قورىق اۋماعىن 91 ارنايى مەملەكەتتىك ينسپەكتور كۇزەتەدى. ولار قاسقىرلار مەن زاڭسىز اڭشىلارمەن كۇرەسەدى. سەبەبى جىل سايىن جىرتقىشتار مەن براكونەرلەردىڭ سالدارىنان مارالدىڭ سانى 4-5-كە ازايادى.

قازىرگى ۋاقىتتا ينسپەكتورلار باقىلاۋدى كۇشەيتكەن. سەبەبى مامىر ايىندا مارالداردىڭ​ تولدەيتىن ۋاقىتى باستالادى. وسى جولى دا جابايى تابيعاتقا جىبەرىلگەندەرى ​ تولدەپ جاتىر، دەيدى ماماندار. بولجام بويىنشا جانۋارلاردىڭ ​ جالپى سانى الداعى ۋاقىتتا 500 گە دەيىن ​ جەتۋى ءتيىس.

سوڭعى جاڭالىقتار