تالعاردا بيىكتىگى 40 مەترلىك مۇنارادان سەكىرمەك بولعان قىز قۇتقارىلدى
بۇل تۋرالى ق ر ءى ءى م توتەنشە جاعدايلار كوميتەتىنىڭ رەسمي وكىلى نۇرسۇلتان نۇراحمەتوۆ ايتتى، دەپ حابارلايدى قازاقپارات ءتىلشىسى.
ونىڭ ايتۋىنشا، 19 -اقپان كۇنى ساعات 11-18-دە الماتى وبلىسىنا قاراستى تالعار اۋدانىنىڭ تالعار قالاسىندا "بايسەركە- اگرو" ج ش س-نىڭ اۋماعىنداعى جۇمىس ىستەمەيتىن قازاندىقتىڭ مۇناراسىنان 2000 -جىلى دۇنيەگە كەلگەن قىزدىڭ سەكىرمەك بولىپ تۇرعاندىعى تۋرالى اقپارات تۇسكەن. وقيعا ورنىنا تالعار قالالىق ءورت ءسوندىرۋ ءبولىمىنىڭ ماماندارى، پوليتسيا قىزمەتكەرلەرى اتتانعان.
«قازاندىق تالعار اۋدانىنا قاراستى ارقاباي اۋىلىنىڭ شەتىندە ورنالاسقان جانە قۇبىرىنىڭ ۇزىندىعى 35-40 مەتر. تالعار قالاسىنىڭ №2 - م و س بولىمىنەن ارقاباي اۋىلىنا دەيىنگى ارالىق 30 شاقىرىمدى قۇرايدى. وقيعا ورنىنا جەتكەن ءورت ءسوندىرۋشى ريشاد راحيموۆ پەن تالعار اۋداندىق ت ج ب اعا ينجەنەرى نۇرسۇلتان نۇرعاليەۆ جۇمىس ىستەمەيتىن قازاندىقتىڭ مۇناراسىنا ورمەلەپ شىقتى. قىزبەن سويلەسكەننەن كەيىن ساعات 12-40-تا ونى ارنايى قۇتقارۋ ارقانىنىڭ كومەگىمەن جەرگە ءتۇسىردى»، - دەدى نۇرسۇلتان نۇراحمەتوۆ.