ۋكراينا قازاقستاندىق ستۋدەنتتەر ءۇشىن 40 گرانت ءبولدى
«قازاقستان رەسپۋبليكاسىنداعى ۋكراينا ەلشىلىگى 2019-جىلى ۋكراينانىڭ مەملەكەتتىك بيۋجەتى ەسەبىنەن 40 گرانت بولىنگەنىن حابارلايدى. ول گرانتتار قازاقستان ازاماتتارىن ۋكراينانىڭ جوعارعى وقۋ ورىندارىندا تەحنيكالىق، ەكونوميكالىق جانە گۋمانيتارلىق ماماندىقتار بويىنشا وقىتۋعا ارنالعان»، - دەپ حابارلاندى ۋكراينانىڭ ديپلوماتيالىق وكىلدىگىنەن.
ايتا كەتەيىك، ونىڭ ىشىندە 30 گرانت - «باكالاۆر»، 10 ورىن - «ماگيستر» دارەجەسىنە بولىنگەن. ۇمىتكەرلەر قۇجاتتى ۋكراينانىڭ ءبىلىم جانە عىلىم مينيسترلىگىنە 2019-جىلدىڭ ناۋرىز ايىنا دەيىن وتكىزۋ كەرەك. ۋكراينا تاراپى ستيپەنديانتتاردى تەگىن وقۋمەن، سونداي-اق دايارلىق بولىمشەلەرىمەن، جاتاقحاناداعى تەگىن ورىنمەن، ۋكراينانىڭ زاڭناماسىنا سايكەس مەديتسينالىق قىزمەتپەن قامتاماسىز ەتەدى. اكادەميالىق شاكىرتاقى «باكالاۆر» /«ماگيستر» دارەجەلەرى بويىنشا وقۋ بارىسىندا تولەنەدى.