+7 (701) 759 90 19 Лента
-11 °С : استانا
-6 °С : الماتى
USD 371.56 EUR 422.43
RUB 5.56 CNY 53.51
جاڭالىقتار

پەتروپاۆلداعى اقىندار مەكتەبى ءبىر جىلدا 40 شاقتى جۇلدە العان

6 جەلتوقسان 21:17 32
:ءبولىسۋ
پەتروپاۆلداعى اقىندار مەكتەبى ءبىر جىلدا 40 شاقتى جۇلدە العان

 پەتروپاۆل. قازاقپارات - ەلىمىزدە سوڭعىلاردىڭ ءبىرى بولىپ اشىلعان پەتروپاۆلداعى اقىندار مەكتەبى جىلدى جاقسى جەتىستىكتەرمەن اياقتاعالى وتىر.

اشىلعانىنا ءبىر جىل بولعان ورتالىق تاربيەلەنۋشىلەرى وسى ارالىقتا ءتۇرلى دەڭگەيدەگى بايقاۋلاردان 40 شاقتى جۇلدە الدى، دەپ حابارلايدى قازاقپارات.

اقىندار مەكتەبى - بويىندا اقىندىق قابىلەتى بار، ولەڭ- جىرعا قۇمار وقۋشىلارعا 2017 -جىلدىڭ قىركۇيەك ايىندا ءوز ەسىگىن ايقارا اشقان بولاتىن. سودان بەرى ورتالىق ولەڭ الەمىنە قانات قاعىپ، قالام تەربەگەن 40 جاس اقىندى ءبىر ارناعا بىرىكتىردى. ايتىسكەر اقىننىڭ ءتىل تازالىعىن ساقتاپ، جان- جاقتى ءبىلىمدى بولۋى ماڭىزدى. ءتالىم الۋشىلار جارقىن جۇپارحان، تاڭات بەيسەنبايەۆ، امانجول زاعىپار، فارحات تاستامبەك، داستەن بايمۇقانوۆ، باتىربەك شامبەتوۆتەن بەس باعىت بويىنشا ءدارىس الىپ كەلەدى. ۇستازدارى ولاردى ايتىسكەرلىككە، اقىندىققا، شەشەندىك ونەرگە باۋليدى، ماقامعا ۇيرەتىپ، مانەرلەپ وقۋ، ساحنا مادەنيەتىنەن ءدارىس بەرۋدە.

«بالالاردى اۋدانداردى ارالاپ ءجۇرىپ، بايقاۋ وتكىزىپ ىرىكتەپ الدىق. كەيىن پەتروپاۆلداعى ءا. دوسمۇحامبەتوۆ اتىنداعى دارىندى بالالارعا مامانداندىرىلعان مەكتەپ- ينتەرناتىنا جولداما بەردىك. ولار ەش ەمتيحانسىز قابىلداندى. 6 بالامىز جەرگىلىكتى ۋنيۆەرسيتەتتە وقيدى. ونىڭ بىرەۋى رەكتوردىڭ گرانتىن جەڭىپ الىپ، قازاق ءتىلى جانە ادەبيەتى فاكۋلتەتىندە تەگىن ءبىلىم الىپ جاتىر. 9 بالا م. جۇمابايەۆ اتىنداعى كوللەدجدە وقيدى» ، - دەيدى ورتالىق جەتەكشىسى، ايتىسكەر اقىن جارقىن جۇپارحان.

ارالارىندا توپ جارعان بالالار دا جەتەرلىك. سولاردىڭ ءبىرى - ءا. دوسمۇحامبەتوۆ اتىنداعى دارىندى بالالارعا مامانداندىرىلعان مەكتەپ- ينتەرناتتىڭ 10-سىنىپ وقۋشىسى اياعان دياس. 15 جاستاعى بوزبالا ەسىل اۋدانى اقتاس اۋىلىنىڭ تۋماسى. وبلىستىق، رەسپۋبليكالىق اقىندار ايتىسىندا 10 نان استام جۇلدەگە يە بولدى. «بۇلاق كورسەڭ، كوزىن اش» دەگەندەي، بۇل مەكتەپتىڭ اشىلۋ ماقساتى - جاستاردى ايتىس ونەرىنە تارتۋ، تاربيەلەۋ، دۇرىس باعىت- باعدار بەرۋ، قازاقتىڭ ءتول ونەرىن دارىپتەۋ.

جارقىن جۇپارحاننىڭ ايتۋىنشا، پەتروپاۆل قالاسىندا بۇرىن اقىندار مەكتەبى بولماعان. رەسپۋبليكادا سوڭعىلاردىڭ ءبىرى بولىپ اشىلىپ وتىر. مىسالى، قاراعاندى وبلىسىندا مۇنداي ورتالىقتىڭ جۇمىس ىستەپ جاتقانىنا 20  جىلدان اسسا، ءبىر پاۆلوداردىڭ وزىندە 3 اقىندار مەكتەبى بار ەكەن.


باستى سوزدەر: ايماق,
:ءبولىسۋ

اأتور:

novasa

ونلاين قىزمەتكەرلەر
مۇراعات