فۋتبول ماتچىنداعى توبەلەس: 40 ادام زارداپ شەكتى

استانا. قازاقپارات - فۋتبولدان الجير چەمپيوناتىندا «م ك الجير» - «ۋسم بەل-اببەس» كوماندالارىنىڭ اراسىنداعى ويىن سوڭى توبەلەسكە ۇلاسىپ، 40 قا جۋىق ادام زارداپ شەكتى، دەپ حابارلايدى AFP اگەنتتىگى.

ماتچ «ۋسم بەل-اببەس» كومانداسىنىڭ باسىمدىعىمەن (1:0) اياقتالدى.

جەڭىلىس الاڭ يەلەرى جانكۇيەرلەرىنىڭ اشۋ-ىزاسىن تۋعىزدى. ولار ورىندىقتاردى جۇلىپ الىپ، پوليتسەيلەرگە لاقتىردى. سالدارىنان 22 فانات پەن 18 پوليتسەي زارداپ شەكتى. سونداي-اق 10 پوليتسيا كولىگى مەن جەدەل جاردەم كارەتاسى قيراعان.

سۋىق قارۋ مەن ەسىرتكى تابىلعان 42 جانكۇيەر ۇستالدى. الجير قۇقىق قورعاۋ ورگاندارى كەلەڭسىز جاعدايدى تەكسەرىپ جاتىر.