قازاقستان شەكاراسىنان 40 مىڭ دوللار الىپ وتپەك بولعان ازاماتتار ۇستالدى
«ق ر ۇ ق ك شەكارا قىزمەتىنىڭ «وڭتۇستىك» وڭىرلىك باسقارماسىنا قاراستى سارىاعاش شەكارا وتريادىنىڭ «سارىاعاش» تەمىرجول كولىكتەرىن وتكىزۋ بولىمشەسىنىڭ شەكارا ناريادى «رىباچيي - تاشكەنت» باعىتىمەن كەتىپ بارا جاتقان پويىزدىڭ ۆاگونىنان وزبەكستان ازاماتىن ۇستادى. ول وزىمەن بىرگە مەملەكەتتىك شەكارادان 5400000 تەڭگەنىڭ دەكلاراتسيالانباعان تاۋارلارىن (449 دانا گاز قۇبىرىنىڭ ەسەپتەگىشىن) جاسىرىن الىپ وتپەك بولدى. تاۋار تاركىلەنىپ ءتيىستى ورىندارعا وتكىزىلدى»، - دەلىنگەن ق ر ۇ ق ك شەكارا قىزمەتىنە باسپا ءسوز قىزمەىنىڭ مالىمەتىندە.
بۇدان بولەك، «قازىعۇرت» اۆتوكولىكتەردى وتكىزۋ بولىمشەسى قىزمەتكەرلەرى ۆاليۋتانى زاڭسىز وتكىزۋ فاكتىسىن انىقتادى. ول جەردەگى شەكارا ناريادى ەلدەن شىعىپ بارا جاتقان جۇرگىزۋشىسى وزبەكستان ازاماتىنىڭ لەكسۋس 570 اۆتوكولىگىن كەدەن قىزمەتكەرلەرىمەن بىرگە تەكسەرگەن. وسى ورايدا 40100 ا ق ش دوللارىنىڭ زاڭسىز شىعارىلىپ بارا جاتقاندىعى تىركەلدى. بۇل فاكتى بويىنشا اكت جاسالىنىپ، ءتيىستى ورىندارعا تاپسىرىلدى.