قازاقستان تۋرالى 40 قىزىقتى دەرەك
قازاقستان تۋرالى 40 قىزىقتى دەرەكتى ztb.kz كە سىلتەمە جاساپ نازارلارىڭىزعا ۇسىنامىز.
1. قازاقستان ايماعى ەۋروپا مەن ازيادا قاتار ورنالاسقان.
2. قازاقستان جەرىنىڭ ۇلكەندىگى بويىنشا الەمدە 9- ورىندا تۇر.
3. قازاقستاندا 17 ميلليون ادام مەن 130 دان استام ۇلت وكىلدەرى تۇرادى.
4. قازاقستان تابيعي قور جاعىنان الەمنىڭ ەڭ باي مەملەكەتتەرىنىڭ ءبىرى (مەندەلەيەۆ كەستەسىندەگى 105 ەلەمەنتتىڭ ىشىندە 99 ى قازاقستاندا كەزدەسەدى).
5. قازاقستان مۇناي قورى بويىنشا الەم ەلدەرى اراسىندا 7-ورىندا تۇر. گاز قورىنان 6-ورىنعا جانە ۋراننان 2 -ورىنعا تۇراقتاعان.
6. 2010-2011 -جىلدارى قازاقستان ە ق ى ۇ، ش ى ۇ جانە ي ك ۇ- عا ءتوراعالىق ەتكەن.
7. 2011 -جىلدىڭ قاڭتارىندا قازاقستاندا 7- قىسقى ازيا ويىندارى ءوتتى.
8. ەلىمىزدە 1000 عا جۋىق ەتنومادەني ورتالىقتاردى بايلانىستىراتىن قازاقستان حالقىنىڭ اسسامبلەياسى قىزمەت ەتەدى.
9. ت م د بويىنشا ۇلتتىق تەاترلار تەك قازاقستاندا جۇمىس ىستەيدى - كورەي، ۇيعىر، وزبەك، نەمىس تەاترلارى.
10. قازاقستاندا الەمدىك جانە ءداستۇرلى دىندەر كوشباسشىلارىنىڭ 4 -سەزدى وتكىزىلگەن.
11. قازاقستاندا مۇسىلمانداردىڭ قۇربان ايت مەرەكەسى روجدەستۆو مەرەكەسى سەكىلدى دەمالىس كۇنى سانالادى.
12. قازاقستان ءوز ەركىمەن كۇشتىلىگى جاعىنان الەمدە 4 -ورىندا تۇراتىن قارۋدان باس تارتىپ، الەمدەگى ەڭ ءىرى يادرولىق تاجىريبەلەر پوليگونىن جاپتى.
13. قازاقستاندىق «بايقوڭىر» عارىش ايلاعىنان ادامنىڭ عارىشقا تۇڭعىش ساپارى جاسالدى.
14. قازاقستان - الەمدىك قارىم- قاتىناستاردىڭ ينتەراكتيۆتى مودەلى - G- GLOBAL- دىڭ قۇرىلۋىنا سەبەپكەر بولعان.
15. 2011 -جىلى قازاقستان ءوز تاۋەلسىزدىگىنىڭ 20 -جىلدىعىن تويلادى.
16. نۇر-سۇلتان - الەمدەگى ەڭ جاس استانا دەپ سانالادى.
17. استاناداعى قۇرىلىستىڭ باس جوباسىنىڭ اۆتورى تانىمال جاپوندىق ارحيتەكتور كيسە كۋروكاۆا بولدى.
18. نۇر-سۇلتان 1999 -جىلى يۋنەسكو- نىڭ «الەم قالاسى» جۇلدەسىن يەلەنگەن.
19. نۇر-سۇلتاننىڭ باس نىشانى - بايتەرەك ءوزىنىڭ ورنالاسقان جەرىمەن جانە قۇرىلىمىمەن ەجەلگى كوشپەندىلەردىڭ كوسموگونيكالىق كوزقاراستارىن اڭداتادى.
20. نۇر-سۇلتاندا «قازاقستان» كينوكونسەرتتىك زالى 3,5 مىڭ ادامدى سىيدىرا الادى جانە وندا زال كونفيگۋراتسياسى مەن اكۋستيكاسىن وزگەرتۋ مۇمكىندىگى قاراستىرىلعان.
21. «قازاقستان» كينوكونسەرتتىك زالىن اۆانگاردتىق جوبالاۋشى ساۋلەتشى مانفرەدي نيكولەتتي سالعان.
22. نۇر-سۇلتاندا بەيبىتشىلىك جانە كەلىسىم سارايىن بۇكىل الەمگە ايگىلى ساۋلەتشى نورمان فوستەرمەن سالعان.
23. نورمان فوستەردىڭ جوباسى - «حان شاتىر» الەمدەگى شاتىرى بار ەڭ ءىرى قۇرىلىس جانە قازاقستانداعى ەڭ ءىرى لايف- ستايل ورتالىعى دەپ تانىلدى.
24. استانادا(نۇر- سۇلتاندا) ايماقتاعى ەڭ ءىرى ورگاندىق زال جۇمىس ىستەيدى.
25. استانادا مۇحيتتان ەڭ شالعاي ورنالاسقان وكەاناريۋم (3000 شاقىرىمنان استام قاشىقتىقتا) بار.
26. ەلدەگى ەڭ بيىك ورناتىلعان رەسپۋبليكانىڭ ەڭ ۇلكەن تۋى نۇر-سۇلتاننىڭ مەملەكەتتىك نىشاندار الاڭىندا ورنالاسقان (تۋدىڭ ەنى - 450 شارشى مەتر، تۋ ىلگىشتىڭ بيىكتىگى - 111 مەتر).
27. استانانىڭ اشىق اسپانى استىندا «قازاقستان كارتاسى - اتامەكەن» اتتى ەتنو- مەموريالدى كەشەن قۇرىلعان. كەشەندە قازاقستاننىڭ بارلىق وبلىستارىنىڭ نەگىزگى نىساندارىنا ماكەت جاسالعان.
28. 2012 -جىلدىڭ جەلتوقسانىندا استانادا ۇلتتىق وپەرا جانە بالەت تەاترى اشىلدى. اتالمىش تەاتر ونەردەگى سوڭعى جەتىستىكتەردى نەگىزگە الا وتىرىپ سالىنعان.
29. استانا نۇر- سۇلتاندا عۇن مەن ساق داۋىرىنەن باستاپ، بۇگىنگى كۇنگە دەيىنگى بارلىق جادىگەرلەردىڭ باسىن بىرىكتىرەتىن ۇلتتىق مۇراجاي سالىنۋدا
30. قازاقستاندا 40 رەسپۋبليكالىق جانە 8 مىڭنان استام وبلىستىق مادەنيەت ورتالىقتارى قىزمەت ەتەدى.
31. ەلىمىزدە تاۋەلسىزدىك جىلدارىندا 18 جاڭا تەاتر سالىنعان.
32. قازاقستان پرەزيدەنتى نۇرسۇلتان نازاربايەۆتىڭ باستاماسىمەن ەلىمىزدە 2004 -جىلدان باستاپ، «مادەني مۇرا» ۇلتتىق ستارتەگيالىق جوباسى جۇزەگە اسىرىلۋدا.
33. شىعىس قازاقستان وبلىسىنداعى شىلىكتى قورعاندارىندا جۇرگىزىلگەن قازبالار مەن «ساق- ءسىبىر اڭ ستيلىنە جاتاتىن» التىن بۇيىمدار الەمدىك تانىمالدىققا يە بولدى.
34. قازاقستان داماسكىدەگى سۇلتان ءاز-زاحيردىڭ ماۆزولەيى مەن ونىڭ كايردەگى مەشىتىن قايتا قالپىنا كەلتىرگەن.
35. قازاقستان داماسكىدە ءال- فارابي ماۆزولەيى مەن تاريحي- مادەني ورتالىعىن اشتى.
36. موڭعولياعا ەكسپەديتسيا بارىسىندا ءبىزدىڭ داۋرىمىزگە دەيىنگى VIII عاسىردىڭ رۋنا جازۋلارى بار كونە تۇرىك تاس مۇسىندەرىنىڭ كوشىرمەلەرى جاسالىندى. تونىكوك پەن تەركىن ەسكەرتكىشتەرىنىڭ كوشىرمەلەرى ليەۆ گۋميليەۆ اتىنداعى ۇلتتىق ۋنيۆەرسيتەتتىڭ ىشىنە قويىلدى.
37. ەۋروپانىڭ ۇزدىك ۇلتتىق كىتاپحانالارى مەن ۆاتيكاننىڭ قۇپيا ارحيۆىنە جاسالعان عىلىمي ەكسپەديتسيانىڭ ناتيجەسىندە 77 قولجازبانىڭ جانە 200 مەرزىمدى باسىلىمنىڭ كوشىرمەلەرى جاسالدى. ولاردىڭ اراسىندا IV پاپا ۋرباننىڭ قۇلاعۋ حانعا جازعان حاتى، التىن وردا حاندارىنىڭ ۆاتيكان پاپالارىمەن حات الماسۋلارى، الەمدە جالعىز سانالاتىن «اس- ساح ات- تاۋاريح» (جالپىعا ورتاق تاريح، 1440 ج. ) اتتى قولجازبا بار.
38. قايتالانباس «قورقىت دەدە كىتابى» (1585 ج. ) قولجازباسىنىڭ كوشىرمەسى الىندى. زەرتتەۋشىلەر ءۇشىن ومەليان پريتساكتىڭ «قارلۇقتاردان قاراحاندىقتارعا دەيىن» اتتى تۋىندىسىنىڭ ماتىندەرى كوشىرىلدى.
39. سوڭعى 3 جىل ىشىندە ەكى مەملەكەتتىك مۇراجاي- قورىم - «ەسىك» پەن «بەرەل» تولىقتاي قالپىنا كەلتىرىلدى.
40. ەلدىڭ ۇلتتىق فولكلورلىق مۇراسى 100 تومعا جەتتى.