+7 (701) 759 90 19
-9 °С : نۇر-سۇلتان
-4 °С : الماتى
USD 421.98 EUR 511.61
RUB 5.61 CNY 65.27
جاڭالىقتار

جاپونيا تۋرالى قىزىقتى 40 مالىمەت

3 جەلتوقسان 17:44
:ءبولىسۋ
جاپونيا تۋرالى قىزىقتى 40 مالىمەت

نۇر-سۇلتان. قازاقپارات - جاپونيا ەش اسىرىپ ماقتاۋ ايتپاي- اق، وزىندىك قايتالانباس ەرەكشەلىگى بار، داستۇرلەرىن زامان كوشىنەن وزدىرماسا، قالدىرماي جاراستىرعان ەل ەكەنى داۋسىز.

1. جاپوندار ءوز انا تىلدەرىندە ءبىر- ەكى اۋىز ءسوز ايتا العان ادامدى اسا قاتتى قۇرمەتتەيدى. ويتكەنى ولار بۇل ءتىلدى ۇيرەنۋ ەش مۇمكىن ەمەس دەپ سانايدى.


2. جاپون تىلىندەگى تىلدەيتىن، ەڭ اۋىر قارعىس ءسوز «اقىماق» جانە «جارىمەس» دەگەن سياقتى سوزدەر.

3. جاپونشا «اقىماق» ءسوزى «باكا» دەپ دىبىستالادى (سوزبە- ءسوز اۋدارعاندا «اقىماق ادام»). ال شەتەلدىك دەگەن «گايدجين» 外人] gaijin] (سوزبە- ءسوز «جات»، «بوتەن») دەپ ايتىلادى. ءبىراق «باكا- گايدجين» اۋىزەكى تىلدە بۇل - امەريكاندىق.

4. جاپوندىقتار ۇنەمى تاماق تۋرالى اڭگىمە ايتقاندى ءجون كورەدى، اسىرەسە، تاماقتانۋعا وتىرعان كەزدە وزدەرىنە استىڭ قالاي ۇناعانىن ۇنەمى ورتاعا سالادى. كەشكى استى ءىشىپ وتىرىپ بىرنەشە رەت «وتە ءدامدى» おいしい] oishī] دەپ ايتپاۋ - وتە مادەنيەتسىزدىك بولار ەدى.

5. جاپونيادا شايپۇل بەرۋ مۇلدەم ءجون سانالمايدى. كليەنت قىزمەتتىڭ بەلگىلەنگەن باعاسىن تولەپ تۇرعان كەزىندە، ساتۋشىمەن تەڭ دارەجەدە تۇرادى دەپ سانالادى. ال ەگەر ءسىز الدا- جالدا بىزدەگىدەي شايپۇل تاستاپ كەتكەن بولساڭىز، وندا ول وزىڭىزگە جاسالعان قىزمەتكە كوڭىلىڭىزدىڭ تولماعانىن ياكي قىزمەتكەردى كەمسىتكەنىڭىز بولىپ سانالار ەدى.

6. توكيو قالاسى - الەمدەگى ەڭ قاۋىپسىز مەگاپوليس. توكيودا ءجۇرۋدىڭ قاۋىپسىز بولعانى سونشالىقتى، التى جاسار بالالار قوعامدىق كولىكتە جەكە وزدەرى جۇرە بەرەدى.


7. ءاربىر ازىق- تۇلىك دۇكەندەرىندە گازەت- جۋرنالدارمەن قاتار مىندەتتى تۇردە حەنتايلار (エロアニメ) سورەسى بولادى. ءتىپتى ۇلكەن كىتاپ دۇكەندەرىندە بەيادەپ سۋرەتتەرگە (پورنوگرافيالار) تۇتاستاي قاتارلار بەرىلگەن.

8....

9. جاپونيادا سانت ۆالەنتين كۇنى قىزدار ۇناتقانىن ءبىلدىرىپ، ەر جىگىتتەرگە سىيلىق تارتۋ ەتەدى. ول ءداستۇردىڭ نەگە قاتىستى شىققانى ماڭىزسىز، ءبىراق بۇگىندە ول ماڭىزدى الەۋمەتتىك فۋنكتسيانى اتقارادى: جاپوننىڭ ەر ازاماتى باتىلدىعى جەتىپ سەزىمىن ءبىلدىرىپ، كەلىسىمىن سۇراعانىن كۇتپەي- اق قىزداردىڭ «ءيا» دەپ ايتۋىنا مۇمكىندىك بەرەدى.

10. اپپاق كۇن - مەملەكەتتىك مەرەكە ەمەس، ءبىراق جىل سايىن سانت ۆالەنتين كۇنىنەن (14 - اقپان) تۇپ- تۋرا ءبىر اي وتكەن سوڭ، 14 - ناۋرىزدا اتاپ وتىلەدى. اپپاق كۇنى ەر ادامدار ايەلدەر قاۋىمىنا سانت ۆالەنتين كۇنى جاساعان سىيلىعىنا العىس رەتىندە سىيلىقتار بەرەدى.

11. جاپوندىقتار - اقىلعا سىيماستاي ەڭبەكقور، تىنىم تاپپايتىن جاندار، ولار جايدان- جاي تۇسكى اسىن ىشپەي- اق كۇنىنە 15-18 ساعات جۇمىس ىستەي بەرۋى مۇمكىن. ال ءسىز مۇراجايدا، مەترودا، ايالدامادا، ءتىپتى جۇمىس اراسىندا دا كوز شىرىمىن الىپ وتىرعان جاپوندىقتاردى كورسەڭىز، ەش تاڭىرقاۋدىڭ رەتى جوق.

12. جاپونيادا جۇمىسقا تۋرا ۋاقىتىندا كەلۋ جامان مىنەز سانالادى. جۇمىس ورنىندا ادام كەمىندە جارتى ساعات ەرتە بولۋى كەرەك.

13. جاپون تىلىندە تىپتەن «كاروشي» دەگەن ءسوز بار، سوزبە- ءسوز اۋدارعاندا «بەينەتتەن قازا تابۋ» دەپ اۋدارىلادى.

14. جاپونيانىڭ سولتۇستىك قالالارىندا تروتۋارلاردىڭ بارلىعى جىلىتقىشپەن جاسالىنعان، سوندىقتان دا بۇل جەرلەردە ەشقاشان كوكتايعاق بولمايدى.

15. جاپونيانىڭ كوشەلەرىندە (ءتىپتى ءدارىحانا، دۇكەندەردە دە) قولشاتىرلار سالىنعان قۇمىرالاردى ءجيى كورۋگە بولادى. ەگەر جاۋىن قۇيىپ كەتسە، ولاردىڭ بىرەۋىن الۋعا بولادى، سوسىن جاۋىن توقتاعاندا جاقىن ماڭداعى قۇمىرالاردىڭ بىرىنە سالىپ كەتىڭىز.

16. ءاربىر ەكىنشى جاپون سۋرەتتى كەرەمەت سالا الادى جانە ءاندى دە جاقسى ورىندايدى. ءبىر جاعىنان، بۇل بالالاردى تاربيەلەۋ جۇيەسىنىڭ ناتيجەسى - ولاردى الدىمەن سۋرەت سالۋعا جانە ءان سالا بىلۋگە ۇيرەتەدى، سودان كەيىن بارىپ سويلەۋ مەن جازا بىلۋگە باۋليدى.

17. جاپونيادا وقۋ جىلى ءبىرىنشى ساۋىردەن باستالادى. ايتپاقشى، جاپون تىلىندە ايلاردىڭ اتاۋى جوق، ولاردىڭ ورنىنا جاپوندىقتار رەتتىك سانمەن ءبىرىنشى اي، ەكىنشى اي... ون ەكىنشى اي دەپ اتايدى.

18. جاپوندىقتار ونسەن 温泉) [onsen] Hot Springs) دەپ اتالاتىن ىستىق قاينار بۇلاقتار مەن كوپشىلىك مونشالاردى وتە جاقسى كورەدى.

19. جاپوندىقتار ءۇشىن جۋىنىپ الۋ بۇلاۋعا ءتۇسۋ نەمەسە ۆاننا قابىلداۋ دەگەندى، ال دۋش - لاجداي تۇرۋ دەگەندى بىلدىرەدى.

20. بارلىق ۇيلەردە، كوپتەگەن اۋرۋحانالاردا، مەيرامحانالاردىڭ كوبىندە جانە كەيبىر كەڭسەلەردە اياق كيىمدى شەشۋ كەرەك. سوندىقتان دا ناسكي (بايپاق) ءاردايىم ءبۇتىن بولعانى دۇرىس.

ەگەر ءسىز اياق كيىمىڭىزدى شەشسەڭىز، ونىڭ تۇمسىعىن ەسىككە قاراتىپ قويۋىڭىز كەرەك، ايتپەسە ول كورگەنسىزدىك سانالادى. ەگەر بۇلاي جاساماساڭىز، ونى ءسىزدىڭ ورنىڭىزعا ءۇيدىڭ قوجايىنى نەمەسە قىزمەتكەر جاسايدى.

21. جاپونيادا ادامدار وتە ادال. ولار ەشقاشان جالعان سويلەۋ دەگەندى بىلمەيدى جانە نە ايتساڭىز دا بالاداي سەنگىش كەلەدى. ەگەر ءسىز ءاميانىڭىزدى اقشاڭىزبەن جوعالتىپ الساڭىز، ونىڭ تابىلعان مۇلىكتەر بيۋروسىنا اپارىپ بەرىلۋ ىقتيمالدىلىعى 90 پايىز دەۋگە بولادى.

22. جاپونيادا جەر سىلكىنىسى كەزىندە توناۋشىلىق مۇلدەم بولمايدى. نەگە دەسەڭىز، وندا ءبىر پۋنك جوعارىدا جازىلعاندى وقىڭىز.

23. جاپونداردىڭ دۇرىس تاماقتانۋ ادەبىن ۇستاناتىنىن بۇل ەلدەگى ارتىق سالماققا يە ادامداردىڭ كەزدەسپەيتىندىگى ايعاقتاپ تۇراتىنداي.

24. جاپوندار ءوز سەزىمدەرىن اشىق كورسەتۋگە كەلگەندە وتە ۇيالشاق. كوپشىلىگىنە «مەن ءسىزدى سۇيەمىن!» دەپ ايتۋ ناعىز ەرلىكپەن پارا- پار.

25. ەلدەگى ءاربىر ءۇشىنشى وتباسى اتا- انانىڭ ارنايى قاراۋىمەن جانە قۇدا ءتۇسۋدىڭ ناتيجەسىندە دۇنيەگە كەلگەن نەكەدەن تۇرادى.

26. جاپوندار وتە تازالىق سۇيگىش حالىق. سويتە تۇرا، وتباسىندا نەشە جان باسى بار ەكەنىنە قاراماستان، ءبىر ۆانناعا ءبارى دە كەزەكپەن سۋىن اۋىستىرماي تۇسەدى، ارينە، ونىڭ الدىندا دۋشقا جۋىنىپ الادى.
27. ءىس جۇزىندە جاپوندار ەشقاشان قوناقتارىن ۇيگە شاقىرمايدى. «كەلىپ كەتەرسىز!» دەگەندى جاي عانا ءسوزدىڭ مىسالى دەپ ءتۇسىنىڭىز.

28. جاپون وتباسىندا اعاسى مەن قارىنداسىنىڭ مۇلدەم سويلەسپەۋى، ءتىپتى ءبىر- ءبىرىنىڭ تەلەفون ءنومىرىن بىلمەۋى تىپتەن قالىپتى جاعداي سانالادى.

28. جاپوندىقتاردىڭ زەينەتاقىسى وتە تومەن. ءار ادام ءوزىنىڭ قارتايعان شاعىن ءوزى قامتاماسىز ەتۋى كەرەك.

39. جاپونيادا كوشەلەرىندە تۇرعان قوقىس تاستايتىن جاشىكتەرىن كورمەيسىز. بارلىق قوقىستى جاپوندار سورتتارى بويىنشا ءتورت تۇرگە - شىنى، جاناتىن، قايتا وڭدەۋگە جارايتىن، جانبايتىندارى دەپ ءبولىپ، ارنايى ىدىستارىنا سالادى.

40. كەيبىر شاپشاڭ جۇرەتىن پويىزداردا كوندۋكتور ىشكە كىرگەندە الدىمەن باس كيىمىن شەشىپ، ءيىلىپ امانداسىپ، سودان سوڭ بارىپ بيلەت تەكسەرەدى.

اۆتورى: گۇلجاھان اسانكەلدى قىزى

blogtime.kz



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات