+7 (701) 759 90 19
17 °С : نۇر-سۇلتان
20 °С : الماتى
USD 405.69 EUR 455.51
RUB 5.72 CNY 57.42
جاڭالىقتار

قازاقستان بيىل رەسەي، ۋكراينا، ازەربايجان مەن يزرايلگە 4069 توننا بالىق ەكسپورتتادى

2 ماۋسىم 07:09
:ءبولىسۋ
قازاقستان بيىل رەسەي، ۋكراينا، ازەربايجان مەن يزرايلگە 4069 توننا بالىق ەكسپورتتادى

اتىراۋ. قازاقپارات - اتىراۋدا كوكتەمگى بالىق اۋلاۋ ماۋسىمىندا 6,5 مىڭ تونناعا جۋىق بالىق اۋلاندى، دەپ حابارلايدى قازاقپارات.

وڭىرلىك كوممۋنيكاتسيالار قىزمەتىنىڭ حابارلاۋىنشا، 6492 توننا بالىق اۋلانىپ، بەلگىلەنگەن ليميت % 87 - عا يگەرىلگەن.

اتىراۋ وبلىستىق بالىق شارۋاشىلىعى باسقارماسىنىڭ اقپاراتىنا سۇيەنسەك، بيىل كوكتەمگى بالىق اۋلاۋ ماۋسىمىنا جايىق- كاسپيي باسسەينى بويىنشا 7434 توننا كۆوتا بولىنگەن. ونىڭ ىشىندە كاسپيي تەڭىزىنەن - 3190 توننا، جايىق وزەنىنەن - 2223 توننا، قيعاش وزەنىنەن - 2021 توننا بالىق اۋلانۋى جوسپارلانعان. وتكەن جىلمەن سالىستىرعاندا، كاسىبي تۇردە بالىق اۋلاۋ كولەمى 794 تونناعا وسكەن. ال، بىلتىر 5 698 توننا بولاتىن.

«بيىل اۋلانعان بالىقتىڭ 5000 تونناسى وڭدەلىپ، 4069 تونناسى رەسەي فەدەراتسياسى، ۋكراينا، ازەربايجان جانە يزرايل ەلدەرىنە ەكسپورتتالدى. قازىر اتىراۋ وبلىسىنىڭ اۋماعىندا ءتۇرلى مەنشىك نىسانىنداعى 18 وندىرىستىك كاسىپورىن بالىق اۋلاۋ جانە قايتا وڭدەۋمەن اينالىسادى. ونىڭ اراسىندا ەكى بەكىرە بالىعىن ءوسىرۋ زاۋىتى بار. ولار - «جايىق- اتىراۋ» بەكىرە بالىق ءوسىرۋ زاۋىتى» ر م ق ك، «اتىراۋ بەكىرە بالىق ءوسىرۋ زاۋىتى» ر م ق ك» - دەدى وبلىستىق بالىق شارۋاشىلىعى باسقارماسىنىڭ باسشىسى ارتۋر سادىبەك ۇلى.

سونداي- اق، بيىل مەملەكەتتىك تاپسىرىستى ورىنداۋ ماقساتىندا بەكىرە بالىعىن ءوسىرۋ زاۋىتتارى ءۇشىن 269 دانا بالىق اۋلاندى. وتكەن جىلى بەكىرە تۇقىمداس 241 بالىق اۋلانعان ەدى. اتالعان ەكى زاۋىت جىل سايىن كاسپيي تەڭىزىنە جاساندى جولمەن وسىرىلگەن 7 ميلليوننان استام بەكىرە شاباقتارىن جىبەرەدى.

اۆتور: بەك مۇستافا


#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات