+7 (701) 759 90 19
3 °С : نۇر-سۇلتان
7 °С : الماتى
USD 389.94 EUR 433.50
RUB 6.10 CNY 55.13
جاڭالىقتار

بيىل 405 مىڭنان استام بالا مەكتەپ تابالدىرىعىن العاش رەت اتتايدى

13 تامىز 12:28
:ءبولىسۋ
بيىل 405 مىڭنان استام بالا مەكتەپ تابالدىرىعىن العاش رەت اتتايدى

نۇر- سۇلتان. قازاقپارات - رەسپۋبليكا بويىنشا بيىل جاڭا وقۋ جىلىندا وقيتىن وقۋشىلاردىڭ سانى 3 ميلليوننان اسادى. بۇل تۋرالى ۇكىمەت وتىرىسىندا ءبىلىم جانە عىلىم ءمينيسترى اسحات ايماعامبەتوۆ ءمالىم ەتتى، دەپ حابارلايدى قازاقپارات ءتىلشىسى.

«ءبىلىم جانە عىلىم مينيسترلىگى جەرگىلىكتى اتقارۋشى ورگاندارمەن بىرلەسىپ، جاڭا وقۋ جىلىنا دايىندالۋ بويىنشا جۇيەلى جۇمىستاردى جۇرگىزىپ جاتىر. وسى جەردە ەڭ ماڭىزدى باعىتتاردى اتاپ وتسەم: وقۋلىقتارمەن قامتاماسىز ەتۋ جۇمىسىن جۇرگىزۋ، ءبىلىم بەرۋ نىساندارىن پايدالانۋعا بەرۋ، بالالاردى تاسىمالداۋدى ۇيىمداستىرۋ ماسەلەلەرى. مەكتەپكە دەيىنگى تاربيە بويىنشا ايتار بولسام، 2018 -جىلعىمەن سالىستىرعاندا مەكتەپكە دەيىنگى ۇيىمدار جەلىسى 279-گە كوبەيدى. 3-6 جاس ارالىعىنداعى بالالاردى مەكتەپكە دەيىنگى بىلىممەن قامتۋ 95,2 پايىزدى قۇرايدى. قابىلدانعان شارالارعا قاراماستان، نۇر- سۇلتان، شىمكەنت، الماتى قالالارىنىڭ، تۇركىستان مەن الماتى وبلىستارىنىڭ مەكتەپكە دەيىنگى ۇيىمدارىندا كەزەك ءالى دە ساقتالۋدا»، - دەدى مينيستر.

اسحات ايماعامبەتوۆتىڭ ايتۋىنا قاراعاندا، مەملەكەتتىك بالاباقشالارعا اعىمداعى جوندەۋ جۇمىستارى جۇرگىزىلگەن. كۇردەلى جوندەۋ 49 بالاباقشا بويىنشا قاراستىرىلعان.

«ونىڭ 33-دە كۇردەلى جوندەۋ قازىرگى ۋاقىتتا اياقتالدى. قالعاندارىنىڭ جوندەۋ جۇمىستارى تامىز ايىنىڭ سوڭىندا شەگىنە جەتەدى. جالپى، مەكتەپكە دەيىنگى ۇيىمدار جاڭا وقۋ جىلىنا دايىن»، - دەدى ول.

ءمينيستردىڭ ايتۋىنا قاراعاندا، بيىل مەكتەپتەردە 3 ميلليوننان استام بالا ءبىلىم الادى.

«2016 مەملەكەتتىك مەكتەپ جۇمىس ىستەيتىن بولادى. جاڭا وقۋ جىلىندا مەكتەپتەرگە 3 ميلليوننان استام بالا كەلەدى. بيىل 405 مىڭنان استام بالا مەكتەپ تابالدىرىعىن العاش رەت اتتايدى. جالپى، وتكەن جىلدىڭ كورسەتكىشپەن سالىستىرعاندا 20 مىڭعا كوپ»، - دەدى مينيستر.

اۆتور: ايان بەكەن ۇلى


باستى سوزدەر: ءبىلىم جانە عىلىم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات