ا ق ش-تا كۇن سايىن كوروناۆيرۋستان شامامەن 400 ادام كوز جۇمادى
ا ق ش- تىڭ اۋرۋلاردى باقىلاۋ جانە الدىن الۋ ورتالىقتارىنىڭ مالىمەتتەرى بويىنشا ۆيرۋستى جۇقتىرۋدىڭ جاڭا جاعدايلارىنىڭ سانى ازايىپ كەلەدى. قازىرگى ۋاقىتتا كۇن سايىن 107 مىڭ جاڭا جاعداي تىركەلۋدە. سوڭعى اپتادا بۇل كورسەتكىش %12 عا تومەندەدى.
ا ق ش دەنساۋلىق ساقتاۋ جانە الەۋمەتتىك قىزمەت مينيسترلىگىنىڭ مالىمەتىنشە، قازىرگى ۋاقىتتا بۇكىل ەلدەگى اۋرۋحانالاردا ەمدەلىپ جاتقان امەريكالىقتاردىڭ سانى جوسپارلى دەڭگەيگە جەتىپ، شامامەن 43 مىڭ ناۋقاستى قۇرايدى. وتكەن قىستا ۆيرۋس جۇقتىرعان 160 مىڭنان استام ناۋقاس اۋرۋحاناعا جاتقىزىلعان ەدى.
كەيبىر وڭ وزگەرىستەرگە قاراماستان، كوروناۆيرۋستان بولعان ءولىم كورسەتكىشى جوعارى دەڭگەيدە.
كۇن سايىن 400-گە جۋىق امەريكالىق كوروناۆيرۋستان قايتىس بولادى، بۇل سان كوكتەمنەن بەرى ايتارلىقتاي تومەندەگەن جوق. سوڭعى جەتى كۇننىڭ وزىندە ا ق ش-تا COVID-19-دان بولعان 2700-گە جۋىق ءولىم جاعدايى تىركەلگەن. 2022 -جىلدىڭ باسىنان باستاپ ۆيرۋستىڭ سالدارىنان 205 مىڭعا جۋىق امەريكالىق قايتىس بولدى.
دەنساۋلىق ساقتاۋ سالاسىنداعى ساراپشىلار تاعى دا امەريكالىقتاردى ەكپە الۋعا وتۋگە شاقىرۋدا، ولاردىڭ 70 ميلليوننان استامى ۆاكسينا الماعان.