باتىس قازاقستاندا سوڭعى ءتورت كۇندە 400 دەن استام ادام كوروناۆيرۋس جۇقتىرعان
ب ق و سانيتارلىق-ەپيدەميولوگيالىق باقىلاۋ دەپارتامەنتى ءمالىم ەتكەنىندەي، سونىڭ 319 ىندا اۋرۋ بەلگىلەرى بولسا، 92 ءسى - سيمپتومى جوقتار. ناۋقاستاردىڭ 279 ى جرۆي بەلگىلەرىمەن تەكسەرىلگەن، 88 ءى بۇرىن ىندەت جۇقتىرعاندارمەن بايلانىستا بولعان.
38 ىنەن پروفيلاكتيكالىق ماقساتتا، التاۋىنان ستاتسيونارعا جاتقىزار الدىندا سىناما الىنعان.
اۋىرعانداردىڭ 186 سى ورال قالاسىندا، 65 ءى بايتەرەك، 65 ءى ءبورلى، 27 ءسى تاسقالا اۋدانىندا انىقتالدى.
ىندەت باستالعاننان بەرى وبلىستا بارلىعى 24983 ادام كوروناۆيرۋسقا شالدىعىپ، 20166 سى جازىلىپ شىقتى. 387 ءسى كوز جۇمدى. سىرقاتتانعانداردىڭ 13815 ءى ورالدا، 3099 ى بايتەرەك، 2809 ى ءبورلى، 1025 ءى تەرەكتى اۋدانىندا تىركەلگەن.
ەسكە سالا كەتەيىك، بۇدان بۇرىن ب ق و- دا كوروناۆيرۋستان كوز جۇمعانداردىڭ 70 پايىزى ەگدە ادامدار ەكەنىن جازعان ەدىك.