جامبىلدا 400-گە جۋىق شەتەلدىك جاۋاپقا تارتىلدى
جامبىلدا «ميگرانت» رەسپۋبليكالىق جەدەل- الدىن الۋ ءىس- شاراسى وتۋدە. ول ۇزاق ۋاقىت وبلىس اۋماعىندا زاڭسىز جۇرگەن جانە جول ءجۇرۋ بيلەتتەرىن ساتىپ الۋدا قارجىلىق قيىندىقتارعا تاپ بولعان شەتەل ازاماتتارىن انىقتاۋ ماقساتىنا نەگىزدەلگەن. رەيدتىك ءىس- شارا وتكىزىلگەن جەتى كۇن ىشىندە قازاقستان رەسپۋبليكاسىنىڭ حالىقتىڭ كوشى- قونى سالاسىنداعى زاڭناماسىن بۇزعانى ءۇشىن 384 شەتەلدىك اكىمشىلىك جاۋاپكەرشىلىككە تارتىلدى.
«سونىمەن قاتار، حالىقتىڭ كوشى- قونى سالاسىنداعى زاڭناماسىن بۇزعانى ءۇشىن شەتەلدىكتەردى قابىلداعان قازاقستان رەسپۋبليكاسىنىڭ 164 ازاماتى اكىمشىلىك جاۋاپكەرشىلىككە تارتىلدى. قازاقستاننىڭ 15 ازاماتىنا قاتىستى ق ر ا ق ب ت ك- ءنىڭ 519-بابىنىڭ تالاپتارىن بۇزىپ، سونداي- اق شەتەلدىك جۇمىس كۇشىن جانە ەڭبەكشى كوشىپ كەلۋشىلەردى قازاقستان رەسپۋبليكاسىنىڭ زاڭناماسىن بۇزا وتىرىپ تارتقانى ءۇشىن حاتتامالار تولتىرىلدى»، - دەلىنگەن وبلىستىق پوليتسيا دەپارتامەنتى باسپا ءسوز قىزمەتىنىڭ حابارلاماسىندا.
سونداي- اق، قازاقستان رەسپۋبليكاسىنىڭ حالىقتىڭ كوشى- قونى سالاسىنداعى زاڭناماسىن بۇزعانى ءۇشىن سوت شەشىمىمەن قازاقستان رەسپۋبليكاسىنىڭ اۋماعىنان 62 شەتەلدىك ازامات شىعارىلدى.
اۆتور: سايا سەمباي