+7 (701) 759 90 19
3 °С : نۇر-سۇلتان
7 °С : الماتى
USD 430.51 EUR 505.72
RUB 5.51 CNY 64.14
جاڭالىقتار

الاكولدەگى دەمالىس ورىندارى 400 مىڭعا جۋىق ادامعا قىزمەت كورسەتكەن

5 تامىز 08:08
:ءبولىسۋ
الاكولدەگى دەمالىس ورىندارى 400 مىڭعا جۋىق ادامعا قىزمەت كورسەتكەن

تالدىقورعان. قازاقپارات - الماتى وبلىسىنىڭ ءتارتىپ ساقشىلارى وبلىستاعى الاكول جاعالاۋىندا قىلمىستار مەن قۇقىق بۇزۋشىلىقتاردىڭ الدىن الۋ، تۇرعىندار مەن دەمالۋشىلاردىڭ قاۋىپسىزدىگى مەن تىنىشتىعىن قامتاماسىز ەتۋ بويىنشا ءتيىستى شارالاردى اتقارادى، دەپ حابارلايدى قازاقپارات ءتىلشىسى.

ستاتيستيكالىق مالىمەتتەرگە سۇيەنسەك، الاكول كولىنىڭ الماتى وبلىسى اۋماعىنداعى جاعالاۋىندا بيىل 150 گە جۋىق دەمالىس ورنى 380000 ادامعا قىزمەت كورسەتكەن.

«كوروناۆيرۋس ىندەتىنىڭ سالدارىنان بيىل كولگە كەلەتىن شەتەلدىكتىڭ سانى ازايعان. دەگەنمەن وتاندىق تۋريزم ءبىر قادام العا باستى. كول جاعاسىنداعى ىرعايتى اۋىلدىق وكرۋگىنە قاراستى اقشي اۋىلىندا بيىل ءبىر عانا قىلمىس تىركەلگەن. ۋچاسكەلىك پوليتسيا ينسپەكتورلارى وزگەنىڭ مۇلكىن قولدى قىلعان كۇدىكتىنى ساناۋلى ساعاتتا انىقتاپ، قىلمىستىڭ «ءىزىن سۋىتپاي» اشقان»، - دەدى الماتى وبلىسى الاكول اۋداندىق پ ب باستىعى قۋات وسپانوۆ.

الماتى وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، شارانىڭ نەگىزگى ماقساتى دەمالىس ايماعىندا قۇقىق بۇزۋشىلىقتىڭ الدىن الۋ جانە قاۋىپسىزدىكتى قامتاماسىز ەتۋ.

جاعاجايداعى كريمينوگەندىك جاعداي باقىلاۋعا الىنعان. بيىل 30 عا جۋىق اكىمشىلىك حاتتاما تولتىرىلىپ، ايىپپۇل سالىندى. كۇندەلىكتى اۋماقتى شولۋ مەن ءتيىستى ورگان وكىلدەرىنىڭ قاتىسۋىمەن رەيد ۇيىمداستىرۋ ءوز ناتيجەسىن بەرۋدە. كوروناۆيرۋس ىندەتىنىڭ الدىن الۋ ماقساتىندا دەمالىس ورىندارى مەن دەمالۋشىلاردىڭ كارانتين شەكتەۋىن قاتاڭ ساقتاۋى دا باقىلاۋعا الىنعان.

«كولدە دەمالۋشىلارعا قاۋىپسىزدىكتى ۇمىتپاۋى ۇنەمى ەسكەرتىلەدى. جاقىندا قۇتقارۋشىلار توبى كەزەكتى ارالاۋ بارىسىندا 6 جاسار بالانىڭ جاعاجايدان الىسقا كەتىپ، سۋعا باتىپ بارا جاتقانىن دەر كەزىندە بايقادى. شۇعىل جەتىپ، بالانى امان-ەسەن اتا-اناسىنا تاپسىردىق. ۇلكەندەرگە بۇلدىرشىندەردى كوزدەن تاسا قىلماۋ قاجەتتىلىگى ەسكەرتىلدى»، - دەدى قۋات وسپانوۆ.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات