تۇركىستاندا 400 دەن استام اتا-انا باس قوستى

None
None
تۇركىستان. قازاقپارات - تۇركىستان قالاسىندا «اتا-انا، ۇستاز، وقۋشى: بولاشاققا باعىتتالعان ىنتىماقتاستىق» اتتى رەسپۋبليكالىق اتا- انالار فورۋمى ءوتتى.

ماڭىزدى ماسەلەلەردى تالقىلاۋعا قىزىلوردا، تاراز، شىمكەنت قالالارى مەن تۇركىستان وبلىسىنىڭ اتا-انالارى، قامقورشىلىق كەڭەسىنىڭ ءتوراعالارى، كاسىپوداق كەڭەسىنىڭ مۇشەلەرى، مەكتەپ ديرەكتورىنىڭ تاربيە ءىسى جونىندەگى ورىنباسارلارى مەن جاستار ۇيىمىنىڭ مۇشەلەرى قاتىستى، دەپ حابارلايدى قازاقپارات ءتىلشىسى.

كەلەلى باسقوسۋدا اتا-انالار ءبىلىم سالاسىنداعى وزىق ترەندتەرمەن، قۇندىلىقتارعا نەگىزدەلگەن ءبىلىم بەرۋ ءادىس-تاسىلدەردىڭ ەرەكشەلىكتەرىمەن تانىستى. سونداي-اق، قاتىسۋشىلاردىڭ پەداگوگيكالىق، پسيحولوگيالىق ساۋاتتىلىعىن جانە مەكتەپ پەن وتباسىنىڭ ىنتىماقتاستىعىن ارتتىرۋ ماسلەلەرى تالقىلاندى. قاتىسۋشىلاردى قوعام نازارىن ءبىلىم سالاسىنا اۋدارۋ مەن پەداگوگ مارتەبەسىن كوتەرۋ، ازاماتتاردى ءوز ۇستازدارىن سىيلاۋ مەن قولداۋ كورسەتۋگە ۇندەۋ ماقساتى كوزدەلدى. اۋقىمدى شاراعا 400 دەن استام اتا-انا قاتىستى.

جيىن بارىسىندا تۇركىستان وبلىستىق ادامي الەۋەتتى دامىتۋ باسقارماسىنىڭ باسشىسى راقىمبەك جولايەۆ بالا تاربيەسىندەگى ماڭىزدى ماسەلەلەرگە توقتالىپ ءوتتى.

«اسىرەسە وتباسىندا كوپ كوڭىل بولىنبەيتىن بالالار جىلۋلىقتى سىرتتان ىزدەي باستايدى. ولاردىڭ اراسىندا ءتۇرلى وقيعالارعا تاپ بولىپ، تىعىرىقتان شىعا الماي قالاتىنى بولادى. وسىدان بالا بويىندا قاتىگەزدىك قاسيەت، ال اتا- انالاردا تاربيەگە كونبەيتىن بالا دەگەن ۇعىم قالىپتاسادى. بالالارىمىزدىڭ جانى مەن ءتانى امان بولسىن دەسەك، بىرلەسە جۇمىلعان ءجون. اتا- انانىڭ بالا تاربيەسىنە دەگەن كوزقاراسى مەن ولارمەن قارىم- قاتىناسى قالىپتى بولۋى كەرەك»، - دەيدى باسقارما باسشىسى.

وبلىستىڭ باس ۇستازى بالا مەن اتا-انا اراسىنداعى بايلانىستى نىعايتۋ ءۇشىن، ءوڭىردىڭ بارلىق ءبىلىم ۇيالارىندا رۋحاني- ادامگەرشىلىك تاربيەنىڭ دامۋىنا تىكەلەي ىقپال ەتەتىن شارالار جايلى اتاپ ءوتتى.

ايتا كەتەيىك، وڭىردە وتباسىلىق تاربيەنى، اسىرەسە، اكەلەرمەن جۇمىستى نىعايتۋ بويىنشا بىلتىر «اكەلەر مەكتەبى» اشىلدى. بۇگىندە اۋداندىق، قالالىق ءبىلىم بەرۋ ۇيىمدارىندا 800 ارداگەر مەن 900 اكەلەر كەڭەسى، 709 تالىمگەر كەڭەسى قۇرىلعان.

سوڭعى جاڭالىقتار