+7 (701) 759 90 19
-19 °С : نۇر-سۇلتان
-3 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

پرەزيدەنتتىڭ كادر رەزەرۆىنە ۇمىتكەر 400 جاس فينال الدىنداعى كەزەڭدە باق سىناۋدا

4 جەلتوقسان 13:42
:ءبولىسۋ
پرەزيدەنتتىڭ كادر رەزەرۆىنە ۇمىتكەر 400 جاس فينال الدىنداعى كەزەڭدە باق سىناۋدا

نۇر- سۇلتان. قازاقپارات - پرەزيدەنتتىك جاستار كادر رەزەرۆىنە ىرىكتەۋ اياقتالۋعا جاقىن قالدى. قازىر ۇمىتكەرلەر فينال الدىنداعى كەزەڭنەن ءوتىپ جاتىر، دەپ حابارلايدى قازاقپارات مەملەكەتتىك قىزمەت ىستەرى اگەنتتىگىنە سىلتەمە جاساپ.

ىرىكتەۋگە قاتىسۋشىلار ساراپشىلار كوميسسياسىندا اڭگىمەلەسۋ كەزەڭىندە. 27 - قاراشا - 12 - جەلتوقسان ارالىعىندا وتەتىن اتالعان كەزەڭگە 400 ۇمىتكەر ءوتتى.

«ساراپشىلىق كوميسسيا تۇراقتى جانە تۇراقتى ەمەس مۇشەلەردەن تۇرادى. ونىڭ قۇرامىندا پرەزيدەنت اكىمشىلىگىنىڭ، مەملەكەتتىك قىزمەت ىستەرى اگەنتتىگىنىڭ، ق ر پرەزيدەنتى جانىنداعى مەملەكەتتىك باسقارۋ اكادەمياسىنىڭ جانە «سامۇرىق- قازىنا» ا ق كورپوراتيۆتىك ۋنيۆەرسيتەتىنىڭ وكىلدەرى بار. ۇمىتكەرلەردى باعالاۋ قۇقىعىنسىز بارلىق ۇدەرىستەردىڭ وبەكتيۆتىلىگىن سىرتقى باقىلاۋشىلار رەتىندە دانيار اشىمبايەۆ، ارتۋر پلاتونوۆ، نۇربەك ساياسات، اسقار وماروۆ جانە مارات باشيموۆ، سونداي- اق ازيا دامۋ بانكىنىڭ وكىلى شاقىرىلدى» دەلىنگەن حابارلامادا.

مەملەكەتتىك قىزمەت ىستەرى اگەنتتىگىنىڭ ءتوراعاسى انار جايىلعانوۆانىڭ ايتۋىنشا، الدىڭعى كەزەڭدەردەگىدەي اڭگىمەلەسۋدە بارىنشا اشىقتىق قامتاماسىز ەتىلگەن.

«كوميسسيا مۇشەلەرى ۇمىتكەرلەردى ونلاين- جۇيەدە باعالايدى. ول كەلەسى تۇردە ىسكە اسىرىلادى. كوميسسيانىڭ ءاربىر مۇشەسى قاتىسۋشىمەن اڭگىمەلەسۋدەن كەيىن سول مەزەتتە ۇمىتكەرگە بىردەن بەسكە دەيىنگى شكالا بويىنشا ءوزىنىڭ باعاسىن قويادى. باعالاۋدى جۇرگىزۋ ءۇشىن ءاربىر بەلگىلەنگەن شكالانىڭ ءتيىستى ولشەمدەرى مەن دەسكريپتورلارى ازىرلەندى. ولار بويىنشا ول (كوميسسيا مۇشەسى – ە س ك.) باعالاۋدى قويادى، سودان كەيىن باعا اۆتوماتتى تۇردە بازاعا تۇسەدى جانە گەنەراتسيالانادى. وسىلايشا، باعالاۋ ۇدەرىسى 2-3 سەكۋندتان اسپايدى. باسقاشا ايتقاندا، كوميسسيانىڭ بارلىق مۇشەلەرى ونلاين باعا ەنگىزگەننەن كەيىن، ولار بىردەن بازاعا تۇسەدى. ەڭ باستىسى، باعانى تۇزەتۋگە ەشقانداي مۇمكىندىك جوق»، - دەدى ا. جايىلعانوۆا.

ا. جايىلعانوۆا سونداي- اق كوميسسيا مۇشەلەرى اڭگىمەلەسۋدىڭ ناتيجەلەرىن داۋىستاپ تالقىلامايتىنىن، سونىڭ ارقاسىندا كوميسسيانىڭ باسقا مۇشەلەرىنە ءوز پىكىرىمەن ىقپال ەتۋ مۇمكىندىگى جويىلاتىنىن ايتتى.

ونلاين- جۇيەدە ءاربىر كوميسسيا مۇشەسىنىڭ باعالاۋى نەگىزىندە ۇمىتكەردىڭ جالپى ورتاشا باعاسىن شىعارۋدىڭ قاراپايىم فورمۋلاسى قولدانىلادى. اعىمداعى كۇن ىشىندە اڭگىمەلەسۋلەر اياقتالعاننان كەيىن كوميسسيا حاتشىسى- جۇيە اكىمشىسى حاتتامانى دەرەۋ باسىپ شىعارادى جانە كوميسسيانىڭ ءاربىر مۇشەسى ءوزىنىڭ باعالاۋىنىڭ دۇرىستىعىنا كوز جەتكىزۋگە مۇمكىندىگى بار جانە ولاردى قولتاڭباسىمەن كۋالاندىرادى.

«سونىمەن قاتار، پروتسەستەردىڭ وبەكتيۆتىلىگىنە ەشكىمنىڭ كۇمانى بولماۋى ءۇشىن سول كۇنى ۇمكىتەرلەردىڭ جەكە كابينەتتەرىندە دەرەكتەر جاريالانۋدا. ساراپشىلىق كوميسسياسىندا اڭگىمەلەسۋدى قوسا العاندا، ءاربىر الدىڭعى كەزەڭدەر بويىنشا ۇلەس سالماعىن ەسكەرە وتىرىپ، ۇمىتكەرلەردىڭ جالپى رەيتينگى بارلىق كانديداتتار اڭگىمەلەسۋ كەزەڭىنەن وتكەننەن كەيىن pkrezerv.kz سايتىندا قولجەتىمدى بولادى»، - دەپ حابارلادى م ق ءى ءا ءتوراعاسى.

قوعام قايراتكەرى، پارلامەنت ءماجىلىسىنىڭ دەپۋتاتى ارتۋر پلاتونوۆ اڭگىمەلەسۋدە كورگەندەرىن وڭ باعالادى.

«مەريتوكراتيا قاعيداتىن، اركىمگە قابىلەتى بويىنشا قاعيداتىن ساقتاۋ - ول ساقتالادى، مەندە كۇمان تۋدىرمايدى. بىرىنشىدەن، مۇنىڭ ءبارى اشىق، مۇنىڭ ءبارى ادال. ماعان كوميسسيا مۇشەلەرىنىڭ 7 مينۋتتىق ينتەرۆال ىشىندە كانديداتتى بارىنشا اشۋ، ونىڭ ءبىلىم دەڭگەيىن، وي- ءورىسىن، ويلاۋ قابىلەتىن انىقتاۋعا كومەكتەسۋگە دەگەن تالپىنىستارى ۇنادى. قاتىسۋشىلاردىڭ مۇنىڭ ءبارى ادال جانە اشىق ەكەنىن، بۇل پروتسەستى باقىلاپ وتىرعانىن كورىپ وتىرعانى وتە ماڭىزدى. نەگە بۇل سونشالىقتى ماڭىزدى؟ ويتكەنى بۇل ادامداردىڭ كاسىبيلىگى مەن پاراسات دەڭگەيىنەن ەلدىڭ ودان ءارى بولاشاعى بايلانىستى بولادى. ولاردىڭ ادامگەرشىلىك قاسيەتتەرىنىڭ دەڭگەيىنەن حالىق مۇددەسى ءۇشىن قويىلعان مىندەتتەر قالاي ادال ورىندالاتىندىعى بايلانىستى بولادى. ادامگەرشىلىگى جوقتاردىڭ (ادامداردىڭ- ە س ك.) ءتىپتى جوعارى دەڭگەيدەگى ءبىلىمى، ول پايدا اكەلمەيدى، كەيدە قاۋىپتى. مەن ۇمىتكەرلەردىڭ مەملەكەتتىك مىندەتتەردى شەشۋى ءتيىس ەكەنىن تۇسىنەتىنىنە نازار اۋداردىم»، - دەدى ول.

ارتۋر پلاتونوۆتىڭ ايتۋىنشا، قاتىسۋشىلار - پاراساتتى جانە ماقساتكەر، ءبىلىمدى ادامدار.

«بىرىنشىدەن، ءبىز، ارينە، جاڭا فورماتسيا بۋىنىن قۇرا الدىق، ولار مەنىڭ ويىمشا، ەل باسشىلىعى قويعان ستراتەگيالىق مىندەتتەردى ءتيىمدى جانە قارقىندى ورىنداي الادى»، - دەپ اتاپ ءوتتى ول.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات